ازاى تعرف المهندس؟؟

امتي يا بشمهندس تعرف انك في هندسة ؟

1- لما مرة واحدة تحس ان الناس كلها شبه بعضها , ولاد و بنات مع انهم مش كدة , لكن التعبيرات ال على وشوشهم واحدة !!

2- لما تلاقى الراجل ال على الباب بيدخل الناس كلها من غير ميسألهم فين الكارنيه , لكن ييجى عندك انت و يمسكك , عرف منين انك من بره الكلية ؟ اكيد عشان مش شبههم ... لو بتروح كتير ممكن تكتسب الشبه ده و لو نفسك اوى ابقى حل شوية شيتات و خش ورشة مرة ...!

3- لما تيجى تخش المحاضرة تلاقى واحد مطلع من شنطتوا كتب المنهج كلها ,و راصصها عالبنش كأنوا بيبيع جرانين و تيجى تسألوا يقلك : "محجوز ياباشمهندس" ( و لو ركزت اكتر ممكن تلاقى مجلات , وجرانين , اخبار ... اهرام ... يعنى مش ده المهم , دة ال لاقاه الراجل فى البيت هيعمل ايه يعنى ؟!! )

4– لما تيجى ماشى و تلاقى واحد بيسأل البواب القاعد على باب المبنى ,بيقول له " لو سمحت يا بشمهندس هو سكشن 10فين ؟؟؟" مع انه بواب , وشكله بواب و ماسك مقشة فى ايده , بس هو الواد اتعود على الكلمة خلاص !!!
طبعا الاحترام واجب

5- لما و انت بتتمشى فى الكلية , وبتبص عالحيطة بالصدفة تلاقى ورقة متعلقة ورا الباب و مدلدلة وواقعة , مكتوب فيها ما يفيد بأنك عندك امتحان تانى يوم , ممكن تسقط لو مامتحنتوش , بس هيعملولك ايه يعنى انت اللى ماقرأتهاش , هما عملوا العليهم و علقوها !

6 - لما تحس أنك بدأت تشوف حاجات الناس اللي حوليك مش شايفنها و تقول الله كل دي الكترونات علي ماكنيزمات
ساعتها يبقي انت كده فعلا في هندسة

و ده بعيد عننا كلنا

هههههههههههه
بجد مش معقول
بس انا عندي سؤال
هوه انت الي بتكتب الكلام ده من نفسك ولا بتنزلو من عالنت
لو من نفسك فانت شخص مبدع جدا
تهاني الحاره

صراحه هو فى انا بكتبه و فى انا بنقله
متشكر على ردودك

يا عثمان انت بتنقل كل المواضيع
محدش فى المنتدى ده بيكتب حاجه من عنده الا واحد بس وهو شاعر ومش كل مواضيعه كمان

ومش عيب ان الواحد ينقل مواضيع بس العيب انه يقول انه هو اللى كاتبها


تقبل مرورى .....اسف على الازعاج

بطل بقى يا عثمان الحركات دى
قول الحقيقه
عادى يعنى

بس ياد انا مش عشان سكتلكم انتو هتهبلوا و تعبطوا
يا ريت كل واحد منكم يخليه فى نفسه احسن
و بعدين اناهكون متواضع معاكم
(من تواضع لله رفعه)

طيب لو راجل قولى انى بكدب او كدبت فى حاجه
منا قولتلك (من تواضع لله رفعه)