حدوته الفرخه الجامده والولد اللى معوش فلوس

يلا نتابع مع بعض كدهـ الموضوع دا

كان فيه ولد غلبان اوي وعاوز فلوس

(ممعاهوش ولا جنيه)

راح لأبوه

وقاله :

بابا اديني 5 جنيه,, أجيب جيلاتي

وبالباقي هشتري كوره

الأب :

امشى من وشي انا مخنوق خلقه

الولد :

يوه يابابا

دي 5 جنيه بس

ولا أقول لك خليها 3 وبلاش جيلاتي

الأب :
ما عنديش فلوس ...
لو عايز فلوس روح بيع الفرخه الجامده بتاعك اللى انت قارفنا بيها في الحوش

الولد :
بس دي جامده ومش بتاكل

ومحدش هيشتريها

الأب :
مليش دعوه

دبر نفسك

الولد استسلم للأمر الواقع

واخذ الفرخه ونزل الشارع

أول واحد قابله في وجهه

من سوء حظه كان أبوه....

قاله الولد :
بابا تشتري فرخه ؟

الأب :
امشى من وشي
آل أشتري فرخه آل .. كان غيرك أشطر

الولد :

خلاص يا عم ... بلاش المعامله دي
ربنا هيرزق ان شاء الله

وصل الولد لآآآخر الشارع ومعاه الفرخه

في محاولة يائسة إن الفرخه تتباع

عرض الفرخه على أهل الحارة كلهم
نـــفــــر ناااااافااااااااااااااااااار

ولا واحد فيهم قبل إنه يشتري الفرخه

قال الولد :

ممممممممم,

والله مفيش الا فلانه جارتنا

عقلها خفيف وأكيد هقدر ألعب عليها بسهوله

فلانة دي

كانت متجوزه
راح لها الولد عشان يبيع لها الفرخه

الولد :
تشتري فرخه يا طنط ؟؟؟

الست:
أهلا يا قمر ازيك يا واد يا مضروب انت ؟ عامل ايه ؟
تعال قرب مني عشان أبوسك !!!

الولد :
انا مش فاضيلك
خذي مني الفرخه وخليني أروح

الست:
تروح فين يا عمري !!
أنا ما صدقت إني شفت راجل عندي في البيت ...

الولد :
يا طنط خذي مني الفرخه وخليني أغور

وفجأه

الباب خبط

خافت الست جدا

وقالت للولد :

تعال إستخبى هنا في الدولاب

ليكون جوزي و نروح في داهيه.

حطت الولد في الدولاب وراحت فتحت الباب

ولحسن الحظ ما طلعش جوزها

الست:

يا أهلا بعمري وحياتي

الرجل اللي كان بيخبط :

اهلا بيكي يا قلبي ...

لسه الرجل بيكمل كلمته وملحقش يكملها

إلا والباب خبط تاني

الست :
يا نهار زي الطين يا دي المصيبه
دا شكله جوزي......

تعال وادخل في الدولاب

دخل الراجل فعلا فى نفس الدولاب اللي فيه الولد صاحبنا

وفجأة

في عز الظلام سمع صوت يكلمه داخل الدولاب ويقوله :

تشتري فرخه يا عمو ؟؟

الرجل :

شششششش..شششششش وطي صوتك
وطي صوتك يا مجنون هتفضحنا

الولد :

يا عم بقولك تشتري االفرخه دي ؟؟ هفضحك ايه ؟
إنت هتصاحبني ؟؟

الرجل :

يا خويا خلاص هشتري الفرخه بس وطي صوتك...

الولد :

طيب خلاص هوطي صوتي

الرجل :

بس هتبيعها بكاااااام ؟

الولد :

بــ 100 جنيه

الرجل :

ايه ؟؟؟؟!!!!! الفرخه بــ 100 جنيه ؟ ليه فرخه دهب ؟
ليه تكونشي فرخه دهب ؟

الولد :

يوووه يا عم بطل لوك لوك لوك لوك أكلت دماغي هتشتري ولا ارفع صوتي

الرجل :

لا لا خلاص..... ابوس إيدك
اشتري وأمري لله

بعد 5 دقائق

الولد :

عمو .... تبيع الفرخه اللي معاك دي ؟

الرجل :

ما انت لسه بايعها لي يا إبن الحلال !!

الولد :

تبيعها لي ولا ارفع صوتي وأهيص ؟

الرجل :

لا لا خلاص....صبرني يا رب

أبيعها وامري لله
بكام تشتريها ؟

الولد :

بجنيه يا عمو

الرجل :

أيه !! بجنيه !!!!
دا أنا مشتريه منك بـــ 100 جنيه وأنت تشتريه مني بجنيه !!!!!

الولد :

تبيعها لي ولا ارفع صوتي وأهيص ؟

الرجل :

لا لا خلاص....انت المنتقم يا رب
بجنيه وأمري لله

بعد 5 دقايق كمان

الولد :

عمو ... تشتري فرخه ؟

الرجل :

انت اتجننت يا واد إنت ؟؟؟ ما أنا لسه بايعها لك

الولد :

هتشتري ولا ارفع صوتي وأهيص ؟

الرجل :

لا لا خلاص....
أشتري وأمري لله...
هتتهبب تبيعها بكااااااام ؟ .. ربنا ياخدك

الولد :

بـــ 200 جنيه

الرجل :

ربنا يشًلك ان شاء الله
انا لسه مشتريها بـ 100 جنيه

الولد :

لاحظ إن صوتك إنت هو اللي إبتدي يعلي
هتشتري ولا ارفع صوتي انا كمان ؟؟

الرجل:

لا لا خلاص....
أشتري .. أشتري وأمري لله

بعد كمان 5 دقائق غير اللي فاتو

الولد :

يا عمو يا عمو ... تبيع الفرخه دي ؟

الرجل :

إنَّا لله وإنا إليه راجعون.....
بكام تشتريها ؟

الولد :

بجنيه

الرجل :

عايزني اقول ايه
اعيط ولا اشق هدومي
يالله خذ الهبابه الفرخه ... و ببلاش مش عاوز فلوس

ويا دوب الواد أخد الفرخه إلا والست فتحت الدولاب
وقالت لهم :

يلا ..يلا بسرعه امشو جوزي في الحمام..

طلع الرجل من الدولاب وجرى والواد وراه

المهم...

قام الولد يتمشى في الشارع وهو فرحاااااان موت
إن بقى معاه فلوس..وكمان الفرخه بتاعته لسه معاه

رجليه أخدته علي البيت وأول ما دخل قابل أبوه في وشه وراح قايل لابوه

تشتري الفرخه يا بابا ؟؟؟

الاب بصله والشرر بيطلع من عيونه وقال له :

الله يخرب بيتك مش مكفيك 300 جنيه

حدوته الفرخه الجامده والولد اللى معوش فلوس Picture

وحوي يا فرخه

hhhhhhhhhhhhhhhhhhhhhhhhh
7lw aawyyyyyyyy

مش كان اداله الخمسة جنيه من الاول وريح نفسه ؟؟؟؟

شكرا لردكم
والمفروض كان وفر ودفع 5 جنيه

هههههههههههههههههههههههههههههه

شكرا كيل ماستر

هههههههههههههههههه

بس هو ابوه كان رايح للست ديه ليه ؟ Laughing

ههههههههههه جامدة قوى يامان

جامده اوى
شكرا

شكرا لمروركم جميعا ما عدا ممدوح ههههههههههههه

ههههههههههه لا حلوة بس على فكرة الولد ده ممكن يبقى تاجر شاطر جدااااااا
موضوع ظريف

شكرا لردك سيلفر مون
واهلا بعودتك

» ي اتري انت شايف صوة اللى قبلك ازاى .... ادخل بسرعة وعلق ع صورة اللى قبلك
» الصداقه بين الولد والبنت, انت ايه رأيك؟
» محشش بيحكي حدوته لبنته
» يا ترى ايه الجرائد اللى بتقرؤها !!!!
» لغز الاذكياء فقط اللى يعرف يحلله يقولى!!!!!!!!!!!!!!!