دعوة للتعارف

خلونا نتعرف على بعض اكتر يا جماعة يمكن نستفيد اكتر من بعض
كل واحد يكتب اسمه و كليته\مدرسته و سنه و اي حاجة تانية يحب يقولها عن نفسه

انا ابدا
اسمي: عمرو محمد مخلوف الداهش و كانو اصحابي في مصر بينادوني 50 لييه ؟ مش عارف!
الدراسة: درست الثانوي في السعودية في مدرسة الفيصلية في الرياض و دخلت هندسة الفيوم و رجعت تاني و حولت لجامعة الملك فهد في الظهران في السعودية
السن:18 مولود 24\11\1990
كان نفسي في الاول طب اسنان و لكن ياتي التنسيق بما لا تشتهي الانفس حتى في السعودية المهم انا دلوقتي حبيت هندسة و خاصة هندسة معمارية
اتمنى نقضي عالمنتدى وقت حلو مع بعض
مستني اتعرف عليكم

انا نشوان ايمن على احمد
طبعا الدراسه فى الفيوم الحبيبه من ابتدائى للثانوى ثم الكليه
والكليه دى تعتبر اجمل حاجه فى حياتى لانها بدايه حلمى الكبير
وانا بقى بحب هندسه من صغرى وولما دخلت هندسه حبيتها اكتر وعرفت ان مكانى فى هندسه
ونفسى ادخل مدنى وابقى زى الدكتور ايمن المغربى
سنى 18 سنه وتاريخ ميلادى 12/2/1991
بحب المنتدى لانى بظهر فيه طبيعتى وبقول فيه اللى مش بقدر اقوله وانا بره المنتدى
وبحس ان بجد كل الاعضاء زى الاخوه

شكرا يا نشوان

ايه يا جماعة هو للدرجة دي مش عايزين تعرفو بعض ولا ايه؟؟؟؟؟؟؟؟

ههههه هى بجد فكره حلوه "دعوه للتعارف" ..بس انتا مش ملاحظ حاجه.. ان فى ناس مش داخله بأسميها علشان مش عاوزه تعرف الناس هى مين زى مين مثلا زيى انا مش داخل بأسمى وزى كتير ..الموضوع جميل بس فى ناس حابه انها تفضل كده وانا بصراحه كان نفسى اتعرف بس كده احلى..بس مثيركم هتعرفو انا مين طبعا واحد يقولى مين يعنى "الهو الخفى" ههههههههه
إنى احبكم فى الله ... عارف ان دماغكم صدعت معلش اصلى بجرب ال keyboard ههههههههههههههه باى

انا احب ان اكون مبهم الشخصيه
وغير معروف بينكم ان شاء الله تفيدونى وافيدكم
فانا افضل كده احسن وده رايى
واتمنى لكم وقتا سعيدا ومفيدا

هههههههههههههههههههههههههههههههههههه
زي الدكتور ايمن المغربي يا نشوان
ههههههههههههههههههههههههههههههههه

وانت يا بتاع السعوديه عامل اه

شكرا على توجيهك الدعوة ليا بس أنا زي معظم الأعضاء اللي هنا مش عايزة حديعرفني عشان كدة أحسن وميرسي ليك مرة تانية

لالالا بجد زعلتوني يا جماعة انا قلت ان مفيش بينا الكلام ده احبطوني كده
و الصراحة مش عاجبني وجهة نظركم ليه مش عايزين حد يعرفكم الكلام ده مش بيننا انا لكان قصدي وحش ولا هو عيب اننا نعرف بعض بالعكس و زي ماقلتلكم هنقدر نفيد بعض اكتر يا جماعة والله
مش كل واحد يقوللي عايز اكون مبهم او مش معروف يعني ايه اللي هيحصله لو اتعرف ما نشوان قال و انا قلت ايه المشكله يجماعة ارفعو الحرج و التكلفة بينا مش عايزينها موجودة

بجد بايخة يا جماعة انكم تعملو كده و بالكثرة دي يا ريت توضوحو رايكم اكتر عشان كلامكم مش مقنع بتاتا و ياريت الاقي ردود غير كده عالموضوع

متزعلش نفسك كيل ماستر

واكيد دي حرية شخصية ان الواحد يعرف نفسه

يمكن فعلا الواحد هنا بيقدر يقول كلام ميقدرش يقوله وهو معروف

عشان كده يحب شخصيته تكون مبهمة ومجهولة

طبعا انا وانت ونشوان وكم واحد كمان مش منهم لان اتصيحلنا من زمان خلاص

تحياتي ،،،

انا والله حتى لو ماتصيحليش كنت عادي هاقول

الموضوع مش شخصيه او انى اكون مبهم اللى عاوز يستفيد هيستفيد مش شرط مين اللى بيتكلم المهم اللى بيتكلم بيقول ايه ولا ايه يا مان واوعى تفهمينى انك لو عرفت اسمى هتستفيد اكتر النتيجه وحده لو كلامى عجبك هتستفيد منه تعرفنى او مش عارفنى ولو مش عجبك برضو النتيجه وحده..... وعاوز اسمع ردك

بص يا عم انتو اصحاب في الكلية ايه الماع انكم تكونو معروفين عالمنتدى زي ما اتم معروفين برا و بعدين خلاص الفكرة شوفتها قبل كده و عجبتني في كذا منتدى انما لو كنتم مش عارفين بعض في الحياة العامة فممكن اقولك ملهاش لزمة بعدين اللي عايز يقول يقول واللي مش عايز عادي مش فارقة خالص انا مش هضرب حد على ايده

انا بايد lolla لان لو كدة مكناش دخلنا باسما سيم
شكررررررررررررررا ياعمرو