أنا مستني اقتراحاتكم

محدش يعني اداني اي اقتراحات عن اي اقسام جديدة ممكن نشئها ايه معندكمش افكار ولا ايه عموما انا مستنيي

ازيك الاول يا احمد
احمد يا ريت تعمل بوابة يبقى موجود فيها اخر المواضيع اللى ترد عليها
وافضل 10 اعضاء فى المنتدى زى منتديات كتير
و يا ريت كمان تعمل قايمه فوق للاعضاء
اما بالنسبة للاقسام
عايزين قسم اسلامى
و قسم للشعر مستقل
و قسم للالعاب (زى كرسى الاعتراف مثلا)
و قسم رياضى

أولا : الحمد لله وشكرا عالسؤال
تانيا : هشوف حكاية البوابة دي
تالتا : احنا كلنا 13 عضو لسه فايه رايك ؟؟
رابعا :القايمة موجودة بس انا قافلها مؤقتا
خامسا : بالنسبة للاقسام جاري التنفيـــــــــذ
سادسا : ألف شكر ياعم الاقتراحات دي

تحياتي ،،،،

يا ريت يكون فيه منتدى للكوره بس ويكون فيه قسم للاهلى وقسم للزمالك وقسم للكره العالميه

وياريت يكون فيه منتدى للاغانى والافلام
ومنتدى سياسى
ومنتدى الرومانسيه ومنتدى الشعر
اوك يا عبدالناصر

يا ريت يكون في قسم اغاني وطبعا لا يخلو من ال RAP
وقسم اسلاميات عشان ربنا يبارك في المنتدى
وقسم تعارف بحيث يكتب كل واحد حجات عن نفسه للتواصل يعني
ممكن مسابقات......................الحاجات كتير و مش بتخلص
بعدين 19 عضو من 400 طالب قليل قوي عايزين دعاية اكتر بالذات لما نرجع للدراسة
و peace يا مان

عندك حق يا عمرو
اهم حاجه الدعايه
بس معتقدش ان الاعضاء هيزيدوا عن 50
لا محدش من الدفعه ليه فى حوارات النت وكده

عارف يا أحمد لو تعمل مسابقة عن اي حاجة
احسن موضوع
احلى نكتة
شعر
قصص
اي حاجة كدة على مستوى المنتدى فكر في الموضوع

قشطة عليك يا عمرو انت مش ناوي تشيل الراب من دماغك
المهم هو اقتراح مش بطال .... بس مين فاضي للأغاني والكلام ده يا عمرو
انت عامل ايه في دراستك ... الجو هناك عامل ايه .... ربنا يوفقك ... سامر

ياجماعة انتوا مش قلتوا اكم هتنشئوا منتدى للبنات فقط
فين ده
وريت لو هتنشئوا انا عايزة اكون مشرفه عليه
اومن ضمن المشرفين
وهو فكرة كويسه ان يكون فى منتدى للبنات بس

there is one already
momken tetloby men a7mad mortada modeer montadana el 3areeeq

بصراحه كلامكم رااااائع وانا من فتره
كنت اقترحت بعض من هذه المقترحات
وارجوا من الاخ مدير المنتدى انه يلبى طلبات الاعضاء
وخاصة الاجازه هتبدا والدخول على المنتدى هيكون كثيف
فنحن ايها الاخوه فى فصل الصيف
فوداعا للشتاء والبرد
ووداعا ايضا للخريف

معلش احب انهيها بالشعر

انت بتسمى ده شعر
الله يرحم .....

فى واحد من الاعضاء قال اعرض الفكرة على مدير المنتدى
طيب هو مش اى حد عايز يكتب اى اقتراح بيكتب هنا
ولو عايزة اعرضها على مدير المنتدى اكتبها فين

أي حد عاوز يكون مشرف او اي مشكلة ادارية او تقنية

ارسال رسالة خاصة الى مدير المنتدى

تحياتي ،،،

ايه ياجماعة انتوا روحتوا فين محدش يعنى رد

مدير المنتدى بنفسه و مشرف الملتي ميديا بنفسه ردو و بعد ده كلو مفييييش ؟!!!!!!!!!
ايه اللي حصل يا عالم
لو تحبي تكوني مشرفة قسم البنات ابعتي للمدير احمد بيه مرتضى تطلبي منه
بعدين هيكون ليكي فرصة كبيرة لان محدش طلب ده بس لو حد قديم طلب ليه الاولوية
و طبعا انا بهزر مفيش اي فروق بيننا انت بس ابعتيله و شوفيلك واسطة محترمة لانك لسة جديدة
و اي حد بيثبت نفسه هنا بنشيله فوق دماغنا صحيح احنا في منتدى بس رجالة قوي
و ياريت متزعليش من الهزار بكرة تتعودي

لا طبعا مش زعلانة
وانت مشكور جدا على الرد

مبروووووووووووووووووووك عليك الاشراف
كده انت من المشرفين و على راسهم عشان انت اول مشرفة بنت هنا
يلا ورينا الهمة

مرسى وان شاء الله هتشوفوا مواضيع جديده كتيررررررررررررر

اخر فرصة كل واحد عايز قسم جديد في المنتدى يقوله قبل التجديد

وان شاء الله نحاول ننفذ كل الطلبات

تحياتي ،،،،

دووووووووووووووووووس يا معلم