مقارنه بين الولد و البنت

المقارنة الاولى

- بالنسبة للفتاة لو مر من امامها ولد وكانت معجبة به فانها تلقي عليه نصف نظرة من تحت لتحت حتى لا يفضح امرها

- أما بالنسبة للولد يا لطيف : يدير عنقه 360 درجة كالصقر وتجد نصف سكان الحي قد كشفوا امره من خلال تلك النضرة البلهاء

____________

المقارنة الثانية

* حين نجد قط غير مرغوب به داخل البيت

- بالنسبة للفتاة فانها تقترب من القط بهدوء وتمسكه برفق ثم تطعمه وبعد أن ينتهي تتوجه الى الباب على مهل وتحطو برة بكل ادب ثم تغني له أغنية آسفة لأصالة نصري والسبب أن والدها لايحب سماع المواء اثناء نومه لذلك تعد القط أنها ستدخله غدا والمسكين ينتظر الغد بفارغ الصبر ثم تغلق الباب وتذهب للنوم

- اما الولد فلا يصدق نفسه حين يرى قطا داخل البيت . في تلك اللحظة يتخيل نفسه زين الدين زيدان يسدد ضربة حرة فتجد القط المسكين مسدد به في الزاوية اليسرى للنافذة وهو طائر تسمعه يقول للولد (روح ربنا ينتقم منك ) قبل أن يسقط في أقرب زبالة

__________________

المقارنة الثالثة

* حين نجد بطل أفلام الرعب لدى الفتيات ( صرصور )

- حين تجد فتاة صرصورا بالليل تصرخ كأنها تسوي السمفونية الأخيرة لبتهوفن

ثم تستجمع شجاعتها وتحضر المبيد وترشه وهي تقول حتموت يعني حتموت والله لأموتك والصرصار بيضحك على خفة دمها لحد مينزل عليه أبوها بالقبقاب

- أما بالنسبة لأخينا فانه حين يجد صرصار ينتابه جنون العظمة فيعتقد انه هتلر ويضحك ضحكة حتى تبرز جميع أضراسه المخفية ثم يمسك الصرصور ويبدأ بعملية التعذيب فينزع له الرجل الاولى ويسأله : بابا فين

الرجل الثانية : ماما فين

الثالثة : اخواتك فين

الرابعة : ساكن فين

الى ان تنتهي أرجل الصرصور ويتركه حيا حتى يكون عبرة لكل صرصور حاول أن يتجرأ ويظهر له وهو موجود

___________________

المقارنة الاخيرة

* خناقة بين اثنين من بني جنسهم

- بالنسبة لفتاتين بيتخانقوا أنت لا تسمع سوى :

انت حمارة

لأ انت للي ستين حمارة

الزمي حدودك انت للي ستمية وستين حمارة

والله انت جريئة أوي ده انت للي ستة ألاف وستمية وستين حمارة

الى ان يصلوا للعدد 66666666666666666666 من الحمير

- اما بالنسبة للصراع بين الجبابرة ( الرجالة يعني )

فكل الكلام .. تحت الحزام

وبعد الخصام .. يحلى السلام

really true

اه بس مش فى كل المشادات الكلاميه بين الأولاد غير محترمه... فقط عند الغضب

متشكر على المرور الجميل

عندك حق والله

اصبت والله يا مان
شكرا ليك

انا اختلف معاك يا مان فى اننا نفرق بين الولد والبنت من حيث التفكير او حتى التصرفات لاننا فى زمن البنت فيه بقت زيها زى الولد ولا ايه؟؟
تقبل مشاركتى

و انا لا اتفق معك
لأن هناك العديد من الاختلافات
اقلهم(مراعاة شعور الاخر)
اما الولد ليس لديه مشاعر فهو كالحجر لا يهمه الا من يجرحه
و بجد فى فرق كبيييييييير بيننا و بينهم

الاختلاف لا يفسد للود قضيه
بس انت بتقول "اما الولد ليس لديه مشاعر فهو كالحجر لا يهمه الا من يجرحه "
حاول تعد كام واحد من الولاد عنده مشاعر وبيتاثر وكمان كام واحد حساس جدا هتلاقى كتير
واللى انا اقصده انك هتلاقى فى الولاد الغلبان والعادى واللى بيستمتع بانه يجرح اللى حواليه يعنى هتلاقى اللى قلبه من دهب واللى قلبه من صخر
ونفس الكلام بالنسبه للبنت لانه مش معنى ان معظم البنات بتظهر رقيقه يبقى مفيش بنت بتلعب بالولاد وقلبها صخر زى ما بتقول
الولد والبنت بيحسوا وكل واحد منهم بيراعى احساس الآخر دى القاعده العامه
واكيد فى غير كده ودول بقى اللى اسمهم شواذ القاعده
ده رأيى بكل صراحه

بجد انابحترم رأيك و ذوقك الجميل يا باشا

والله انا الـ بحترم رايك جدا
وشكرا لذوقك

بصراحة كده اللى يقول البنت زى الولد او العكس يبقى بيتجاهل حاجات كتير اوى
فى فروق كبير اوى مابينهم وبالنبسة لموضوعنا يمكن البنت فى الاغلب عندها المشاعر اقوى من الولد
بس ده مايخليك ياعثمان افندى تشتمنا وتقول علينا مشاعرنا زى الحجر
قلبى وضوافرى غضبوا عليلك ليوم الاتينين ههههههه
بس الموضوع جميل حلو قشطة
شوفت انا عندى مشاعر ازاى حسيت بالموضوع اهو
تقبل عبورى (مش كل مرة هتبقى مرورى ننوع بقى)

اسمحلى اقولك يا مصراوى ان انا لما قولت ان الولد زى البنت انا كنت بتكلم عنهم من ناحيه المشاعر والاحساس فقط
لكن طبعا فى فروق مش محتاجه اننا نتكلم عن وجودها اصلا
ومبروك على عبورك

انت كده بتتجاهل بردو انا البنت عندها المشاعر والاحسوسيات اقوى بكتير جدا من الاولاد والدليل على كده مشاعر الامومة الجامدة قلما وجدت رجل عنده نص المشاعر دى
وبعدين انا مش مصراوى بس
انا مصراوى قديم
ههههه