اسئله عن الحب

السؤال اللى ديما بسأله لنفسى واللى اكيد فى غيرى كتير بيساله
وهو ايه هو الحب؟؟
كلنا بنقول ان الحب هو التضحيه .. عطااااااااء مستمر
الحب هو انك تدى لحبيبك كل حاجه واى حاجه حتى لو هو مش محتاجها لازم انت تضحى لانك بتحبه وتسامح لانك بردو بتحبه
بس الحب ممكن يكون مش تضحيه ولا عطاء ولا انكار للذات
طب ازاى؟؟؟؟
مفيش حد يقدر يقول غير ان الحب هو حاجه جميله لأ ده اجمل حاجه فى الدنيا صح بس الحب مش تضحيه لان التضحيه عمرها ماتكون هى الانانيه والحب ده انانيه بس انانيه جميله متغلفه بصورة التضحيه زى قرص الدوا بتاع الاطفال مغلف بطبقه من السكر علشان الاطفال تحبه بس طعمه الحقيقى مر
يعنى ايه الكلام الوحش اللى انا بقوله ده؟
يعنى سعادتك "سواء كنت شاب او شابه" لما يتضحى وتتفنن فى التضحيه ده علشان انت انانى لانك بتضحى علشان انت عاجبك الشعور بالتضحيه وانك بتضحى وده سبب التضحيه فى المقام الاول
و كون ان حبيبك تفيده التضحيه او لأ ده مش مهم لان سبب التضحيه هو ارضاء نفسك فى المقام الاول
طب ازاى الحب انانيه وانا بدى لحبيبى كل حاجه؟
انت بتدى لحبيبك كل حاجه علشان تقول انك اديتله كل حاجه او حتى علشان هو ادالك اى حاجه فمن الواجب انك ترد الجميل ولا ايه ؟
سؤال كمان عن الحب ...
مش الحب ده شعور رائع ليه ديما بنلاقى مع الحب الحزن والألم وحاجات كتيرة المفروض انها بتختفى من حياتنا بمجرد ما نحب؟
اصل انا وانت وغيرنا بنحب بس بطريقتنا يعنى البنت ممكن تفتكر انها لما تغير على حبيبها من كل واحده "حتى لو كانت اختها" يبقى كده هى بتحبه وهو المفروض يقدر ده ويحس باللى عملته علشانه مع انها فى الحقيقه كده بتخسره بس مش مهم هى شايفه ان ده الحب خلاص
بردو الولد يقولك انا لما كل شويه اسالها انتى كنتى بتعملى ايه هى كد هتعرف انه بيحبها ومهتم بيها مع انه بيخنقها بفعله ده
واللى بجد مالوش حل هو ان الولد او البنت يبقى خاتم فى ايد حبيبه, اه الواحد لازم يسعد حبيبه ويحقق طلباته بس يعنى حبيبه لما ياخد رايه فى حاجه مش لازم الاجابه تكون اللى يريحك يا حبيبى او طبعا اللى يريحك يا حبيبتى
طب فين شخصيتك وشخصيتها هو الحب بقى بيلغى ويمحى شخصيتنا كده, انت كده فاكر انها هتحبك"او انه هيحبك" لأ كده انت وانتى فتحتوا بابين واحد يدخل منه الملل والتانى يخرج منه الحب
وبعد ده كله هو وهى يسألو حبيبنا سابنا لييييييييييه؟
ببساطه لانه حب فيكى جمالك بس بردو اكيد حب شخصيك اللى فقدتيها لما حبتيه يبقى هيحبك ليه
وانت بردو هى بتحبك علشان انت ولد شخصيتك جامده بس انت دلوقتى بعد ما حبيتها مبقاش ليك الشخصيه ولا الروح اللى حبيتها فيك
اخر سؤال علشان محدش يتخنق منى ده اذا كان لسه متخنقش
ليه ديما معظمنا " اذا مكنش كلنا " بنخلط بين الحب والاعجاب؟
مع ان الفرق بينهم كبير ومع ذلك ديما بنخلط بينهم يعنى انت لو عجبك فى البنت تفوقها او حتى جمالها بدل ماتقول انك معجب بـ ......و..... لأ انت على طول تروح قايل انك بتحبها وتلاقى نفسك بعد كده بتكمل مشوار انت مش عايز تكمله بس انت راجل ولازم تكون قد كلمتك يعنى هتكمل وانت وشطارتك بقى هعترف تكرها فيك فى قد ايه يعنى انت لو عندك خبره ممكن تكرها فيك فى نص ساعه
نفس الكلام بردو للبنات
والغريب ان تفتكر الاعجاب وده شيئ سطحى انه حب وده شيئ بعيد كل البعد عن السطحيه.
اصل انت لما بتعجب بصفه فى شخص مش بتعرف عنه اى حاجه غير الصفه دى اللى عجباك فيه يعنى انت بتكون سطحى فى الحكم عليه
والحب انك تحب حبيبك بكل ما فيه الحلو واللى مش حلو كمان وتحاول مع الايام انك تغير اللى مش حلو فيه لانك بتحبه ونفسك انه يكون احسن حد فى العالم
بس تقريبا كده محدش بقلا بيسال نفسه قبل مايقول كلمه بحبك هل هو فعلا بيحب ولا ده مجرد اعجاب؟
وبيتهيألى ان ده السبب الاساسى فى فشل كل قصه حب فاشله
انا كنت بسأل وبجاوب نفسى بس انا محتاج ان اللى ليه رأى مختلف يقولى عليه
واسف على الاسلوب فى الكلام بس انا حبيت انى اشارككم اللى جوايا من غير اى تجمل فى الكلام

والله انت بتقول كلام زى الفل

والله انت اللى الـ عسل يا عبدو
بس انا كنت عايز رأيك يعنى انت شايف انى اللى بقوله ده صح ولا غلط
بس طبعا متشكر جدا لمرورك الجميل
بس اوعى تقولى اسمك ايه

انا شايف ان الكلام ده صح 100 100

ماشى يا معلم

طبعا الكلام جامد جدا
متشكر على مجهودك الاكثر من الرائع

العفو يا دريمر
ده من بعض ما عندكم
وشكرا لمرورك الجميل
خالص شكرى

مرسيه على المجهووووووووووووووووووووود sad .love .story

ايه الموضوع ده يا عم نشوان انت الي زيك عمره محب ولا هيحب
انا يا جماعه لا اتفق تماما مع هذا الموضوع ولا مع البني ادم الي كاتبه
وسمعني اغنية سيب الحب لناسه خليك احسن ناسي لعمو تامر حسني(بدوي)
وشكراااااااااااااا

اولا انا احترم رايك لانك قولته فى منتدى محترم لا يدخله الا المحترمين وطبعا بما انك فيه فانا هعاملك على انك محترم
وبالنسبه للحب انا لا اعتقد اصلا ان هناك من ذاق طعم الحب الحقيقى الحب الذى يجعلك تعيش من اجله"ده بالنسبه للى فى سنى "
وبعدين اللى بيته من ورق ميحدفش اللى بيته من حديد بالطوب لانك مش هتاثر فيه واقل شيئ منه هيدمرك
ياريت تكون فهمت ,اتمنى فعلا انك تستوعب كلامى

اولا الموضوععععععععععععععععععععععععععععععع حلوووووووووووووووووو
ثانيا الحب معناه كل شى بتشوفوا جميييييلللللللللللللللللللللللللللل ياعنى كل شى حلو متوافر فى الحب الحقيقى
شكررررررررررررررررررررررررررررررررررررررررررررررررررررا

شكرا على المرور الجميل

تصدقوا بالله انتو هيفين حب ايه وكلام فاضي ايه انتو هتعيشوا الدور ولا ايه انتو الي زيكو المفروض يدفن نفسه ويعقد يذاكر لحد ميطلع من الكليه ديه انتو يعني مقطعين السمكه وديلها اوي ولا راسها يعني روحو شوفو التقديرات الي جبتوها الاول وبعدين اتكلموا عن الحب والكلام ده

وانتى اصلا مين اللى اداكى الحق انك تتدخلى فى موضوع زى ده
انتى مالكيش اى حق هنا غير انك تشاركى فى الموضوع باسلوب يليق بينا على الاقل ولو شايفه انه موضوع هايف متدخليش عليه اصلا
وانتى مش مسئوله عن تقديراتنا واحب اقولك كلمتين:
1- رايك ده ميهمنيش ابدا فى شيئ
2-مشاركتك مش مقبوله خالص

أيوة ادى الكلام ولا بلاش يا sad.love .story وبعدين اللى ينكر ان فى حب وحب حقيقى كمان مش حب بس يبقى مش معترف باحساس نبيل هو اساس الحياة وربنا خلقه جوانا عشان نعرف نعطى احسن ما عندنا فى العبادة ومع الناس وفى كل حاجة ويبقى بينكر قاعدة هامة وضعها لنا سيد الخلق
محمد نبينا وامرنا بالحب والانسان الطبيعى لازم يكون حس ولو مرة بالحب
اسفة على الاطالة بس انا اتعصبت من كلام رورو بس لازم تراجعى نفسك تانى

على فكره انا مدايق جدا لانى اتعصبت بالسرعه دى
وفعلا اسلوبك يا رورو مستفز وياريت تفكرى فى كلامك شويه قبل ما تقوليه
لانك كده هتتعبى كتير فى حياتك ونصيحه الموضوع اللى مش يعجبك بلاش تدخلى عليه من الاساس ونصيحه تانيه بلاش تجرحى اللى حواليكى بكلامك لانهم هيجرحوكى
وحاولى تمشى بالمقوله " رأيى صواب ويحتمل الخطأ ,ورأى غيرى خطأ ويحتمل الصواب"

يا جماعه انا بس عايز اعلق على كلام رورو
أولا: المنتدى ده معمول علشان المحاضرات و الترفيه اساسا
ثانيا: الفاضى بس هو اللى بيدخل اما اللى بيذاكر يخليه فى حاله
ثالثا:موضوع التقديرات هو كان عندى رأى وهو ان الكل ممتاز بعقله
ولو اراد احد الامتياز لحاز عليه
رابعا:لازم يكون هناك جانب ترفيهى الى جانب العمل (المذاكره)
خامسا:و الاهم الموضوع مش مهم و مفيش حد عايش الدور ولا حاجه
لان مفيش حاجه اسمها هيافه فى الموضوع ده
سادسا:يا ريت لو سمحتى بس يكون اسلوب الحوار احسن من كده
و لو فى حاجه مش عجباكى يا ريت مترديش احسن ما تزعلى اصحابك
و شكرا

معنى الحب واااااااااااااضح وضوح الشمسس الحب كلمة حلوة بتجسم كل صفة حلوة
شكررررررررر ده راى

يا بني انت ازاي هتكتب عن الحب وانت اصلا معشتهوش ولا هتعيشه ولا ينفع اصلا تعيشه
ياريت الي يكتب عن الحب يكون بيفهم فيه يا جماعه هو اي حد هيكتب كده وخلاص وتلقيك ناقل الموضوع اصلا وانت مش عارف معناه وعلى العموم لو مش عارف حاجه عن الحب وعندك اسئله تعالى اسئلني يا اخي اسال اهل الخبره..............

وشكراااااا

على فكره انا لا أيد الاخت يورو على كلامها ده اكيد في وقت للحب وفي وقت للمذاكره زي مانا بعمل بذاكر وبرده بحب المذاكره اوي
وشكراااااااااااااااا.................


(على فكره يا جماعه انا شاكك ان الاخت يورو دي بنت اصلا )

بص يا احمد انا لما بنقل موضوع بقول انه منقول
مش زيك يعنى
وانت اصلا يابنى الحب معداش من شارعكم
ومتخرجناش بره المشكله (يعنى بنت ولا مش بنت مش مهم اصلا)

ردا على رد الاستاذ رورو
اولا معظم اللى فى المنتدى جايبين تقديرات عاليه
واقل واحد فينا جايب جيد
يعنى مش شرط المذاكره كتير هى اللى هتجيب مجموع
فى ياما ناس بتقعد تذاكر طول اليوم وفى الاخر طلع بمواد
انا مثلا من اكتر الناس اللى مشاركه فى المنتدى ده وغيره بس والحمد لله جبت جيد جدا يعنى مش شرط
لازم تعرف(ى) اننا هنا للترفيه مش اكتر مش عاجبك المنتدى متخشيهوش
انا احيانا برد رد مش كويس بس الكل عارف انى بهزر

يا ريت تحاولى تصلحى من ردودك علشان متبقيش مكروهه وسط زمايلك
اوك

اولا انا عايزة اقول ان رورو مش عارفة تنقى اسلوبها فى الحوار ولان السلوب ده اسلوب مش كويس مش محترممم soryyyyyyyyy ...................... اه صح اللى مش عجبو الموضيع ميدخلش يا اما يقول الراى فى ادب


لان ده منتدى محترممممممممممممممممممممممممم

شكرااااااااا للجميع انا شكة ان هى عاملة كده علشان تعصبنا و تلفت النظر ليها و نديها اهمية ذيدة عن الحد












شكررررررررا و تقبلوا مرورى و محدش يزعل من كلامى لان دى حاجة مايتسكتش عليها




اه حاجة كمان هى ملهاش دعوة با التقديرات لان دى حاجة شخصية و هى ملهاش دخل فيهاااااااااااااااا

انا مش عارف هو ليه كلكم على الاخت يورو هي يا جماعه ليها وجهة نظر
ثانيا مبقاش الا انت يا عم نشوان عشان تتكلم عن الحب وكمان تتكلم عن شارعنا
ايه ده كله ده انت خدت عليا اوي

فعلا ممكن تكون بتلفت نظرنا وخلاص
يبقى احنا ننفض لها ومنردش تانى عليها