الصداقه بين الولد والبنت, انت ايه رأيك؟

المرادى انا هتكلم بعد ماسمع رأيكم فى الصداقه بين الولد والبنت
وكل واحد يقول رأيه من غير اى تحفظ او تجمل يعنى انت مش تكون رافض الموضوع وتقول عادى علشان ميتقلش عليك انك رجعى.
والامر نفسه لو انت شايف ان الصداقه تنفع بين الولد والبنت ,طيب ده تحت شروط ولا كده وخلاص , ولو بشروط حاول تقولنا عليها علشان نكمل بعض.
وخصوصا ان كلنا بقينا فى عصر (معرفه السطح والجهل بالجوهر)
وانا اسف على الجمله بس فعلا كتير منا نسى الاصل فى حاجات كتير وبقى بيشغل همه بالصور والشكل اللى مالهمش اى اهميه غير فى عيون الاشخاص اللى بيتسمو "ولله الحمد بسطحيه" شديدة
مستنى انكم تشاركونى
انت وغيرك رأيك مهم ليا وليك من قبلى وده علشان كل واحد فينا يقدر يعرف اللى حواليه بيفكروا ازاى
هستنى مشاركتكم
وخالص شكرى وتحياتى

الصداقه بين الولد و البنت طبيعى
كصداقه فى الدراسه يعنى شرح و كده
بس بشرط
1/انه يراعى ربنا علشان اخواته

وفكره جميله يا باشا

ربنا يخليك يا جميل
بس انا شابف ان قبل ما نفكر فى الصداقه لازم نفكر فى السور المناسب اللى هيحافظ على الصداقه ويخليها تاخد الشكل اللى كلنا بنتمناه وده بمعنى انه هيحمى الصداقه من بره وهيكون حدود متفق عليها بين الاصدقاء ومفيش حد يتجاوزها
وكمان علشان متتحولش الصداقه لشيئ تانى (,صعب انه يكون صادق) وبعد فتره تضيع الصداقه اللى مبقتش صداقه
وشكرا لرأيك يا باشا

بالرغم من ان معظم الولاد بيعملوا الصداقات دى وكتير من البنات
الا ان الصداقات دى حرام شرعا
ومحدش يقدر يغلطنى

اسمحولى أقول رأيي بصراحة يا جماعة الحقيقة ان الواقع اللى بنعيشه دلوقتى بيحتم التعامل بين الرجل والمرأة ولكن المسئولية على المبادئ اللى بيتعاملوا على أساسها بس بصراحة الصداقة والكلام ده ملوش لازمة لأن الدنيا مخلصتش من البنات علشن نصادق ولد وفى نفس الوقت مش لايقة حت يعن أعرف ولد لأهلى مثلا على انه صاحبى مش لايقة حتى وبعدين لولا ان ربنا عارف ان ده هيسبب مشاكل مكانش سبحانه وتعالى نفرنا منه ووضع حدود وأسس للتعامل بين الرجل والمراة .....ولا ايه يا جماعة قولولى ردكمولكم وافر الأحترام

كلامك مش حلو ياmoonعارفة ليييييييييية؟؟؟
لان انا متفق تماما مع ان الصداقة شئ مهم بس بصى معايا كدة يعنى اية الصداقة هل معناها ان اخد البنت صديقتى واروح بيها الديسكو مثلا خالص ياmoonاالصداقة زى اما قال احمد ممكدن تكون فى حدود الكلية بس يعنى انا ممكن افهم منها دروس تشرحلى اشرحلها احللها مشكلة تحللى مشكلة بصى يابنتى لو الولد والبنت بصوا للصداقة فى صورة اخوة كل شئ هيبقى كويس يارب يكون كلامى اقنعك.

استمرررررر...

اولا احب ارد على عبدو و sliver moon
كل واحد قال رأى زى التانى بس بصوره مختلفه يعنى من وجهه نظره
وتعالو نحسبها من وجهه نظرى فعلا الولد والبنت مينفعش يكونو اصدقاء بس لازم هيحصل احتكاك بينهم سواء كان فى اطار الدراسه او حتى العمل
وبما ان الاختلاط كده كده موجود "وده بالرغم من الناس بتقول عليه حرام وهو فعلا احيانا بيكون حرام" يبقى لازم يكون فى حدود وده اللى انا قولته قبل كده , بس انا شايف ان فى ناس كتيره بقت بتستغل مسمى الصداقه علشان حاجات ملهاش اى صله بالصداقه بمعناها المقبول عندنا,
وعلشان كده انا حاولت انى اخلى كل واحد يقول رأيه فى الصداقه علشان نقدر نكون احسن صوره عنها, بمعنى انى مثلا لو فى زميله فى الكليه وقالتلى انها عايزه تصور محاضره منى مش معقول هرد عليها واقولها شوفى حد من زميلاتك وصورى منهم "لان ده غير لائق"
ممكن هيا تكون معرفتش تجيب المحاضره دى من زميلاتها لاى سبب, فانا هفترض حسن النيه وهديها الكشكول وتنتهى الحكايه بكل هدوء وبساطه
ونفس الكلام للبنت لو انتى قالك زميلك الكتور قال ايه؟ وردك هيكون بكلمه واحده بس .
لازم قبل ما تقولى الكلمه دى يكون فى ضوابط علشان تضمنى انك لما تردى عليه متحسيش انك عملتى حاجه غلط او انك قللتلى منك او انه اتاخد عنك انطباع غلط او اى حاجه ممكن تخليكى تندمى على انك اتكلمتى معاه.
وفى الاول والاخر هو ده اللى انا كنت عايز انه يحصل , ان كلنا نبدأ نقول رأينا فى شيئ بقى واقع وبنشوفه كل يوم فى حياتنا
وشكرا جدا للمشاركات الجميله دى

اما الحج الحريقه
احب اقولك انك نورتنى بمشاركتك دى يا عسل
وشكرا ليك يا مان

بدايةبداية أنا حابة أقول لحريقة ان اللى اتقال ده كله تحت مسمى الزمالة لان الزمالة حاجة و الصداقة حاجة تانية خاااااااااااااااااالص بس غالبا الولاد بيفترضوا سوء النية فى البنت وفعلا أحيانا بيقولوا لنفسهم ان دى بتستعبط ماهى عندها بنات كتير ويبدأوا يقولوا عنها كلام مش مضبوط وصدقونى ده بيحصل كتيييييييييييييييييييير وبعدين لو كل الناس فكروا زىك وزى sad love story كل حاجة هتبقى تمام وده لأنى واثقة ان الدنيا لسه بخير وشبابها بخيروربنا يحميكم ويهديكم يا رب أرجو الرد وعلى فكرة كل وجهات نظركم صحيحة بشكل كبير

بداية أنا حابة أقول لحريقة ان اللى اتقال ده كله تحت مسمى الزمالة لان الزمالة حاجة و الصداقة حاجة تانية خاااااااااااااااااالص بس غالبا الولاد بيفترضوا سوء النية فى البنت وفعلا أحيانا بيقولوا لنفسهم ان دى بتستعبط ماهى عندها بنات كتير ويبدأوا يقولوا عنها كلام مش مضبوط وصدقونى ده بيحصل كتيييييييييييييييييييير وبعدين لو كل الناس فكروا زىك وزى sad love story كل حاجة هتبقى تمام وده لأنى واثقة ان الدنيا لسه بخير وشبابها بخيروربنا يحميكم ويهديكم يا رب أرجو الرد وعلى فكرة كل وجهات نظركم صحيحة بشكل كبير

بسم الله الرحمن الرحيم
اسمحولى اقول رأي فى الموضوع بكل صراحة واعذرونى لو حد اتضايق
اولا مفيش حاجة اسمها صداقة بين البنت والولد وكل اللى السادة الأعضاء ذكروه يقع كما قالت silver moon تحت مسمى الزمالة وليس الصداقة واعتقد ان السبب فى ذلك واضح لايحتاج لايضاح او لتبيان
يبقى العلاقات بين البنات والولاد تحت مسمى الصداقة اعتقد انهم كده بيكدبوا على نفسهم وهم عرفين نهاية الموضوع ايه -واعذرونى على الصراحة- هما مشين فى طريق الحب والحب مش عيب ولا حرام بشرط ان يكون شريف ويتبع مذهب واتوا البيوت من ابوابها ولقد قرأت من قبل انه كان على زمن ابوبكر الصديق رجل احب جارية ومنعه مولاها منها فاشتكى امره لابى بكر

ومش اي علاقة بين البنت والولد عيب بشرط الادب واتباع تعاليم الاسلام التى تحمى المراة ممن فى قلبه مرض والدليل على كده ان النساء على عهد الرسول كانوا يشاركون فى امور بلدهم ويشيرون بالرأى على الرجال
اعتقد ان الزمن قد حان عشان نرجع لدينا ونبطل تعصب وجاهلية فلا للتفريط الذى يقول بتساوى الرجل والمراة فى كل شى ولا للتعصب الذى يقول بان االنساء لايصلحن إلالتربية الصغار
واعذرونى على الاطالة اللهم هذا جهدى فاغفر لى ماكان من خطأ
منتظر اجابتكم

يا جماعه انا لما اتكلمت فى الاول كلن قصدى الصداقه
لان فى فرق شاسع بين الصداقه والزماله


ده مجرد توضيح

موضوعك ده مهم جدا يا نشوان انا بفكر جديا بعد ما عجبكوش الموضوع الاول ولغيتلكم السلسلة دي اني اعمل سلسلة تانية بتكلم فيها عن العلاقة بين البنت والولد وازاي تكون رومانسي وكده يعني فا ستنوها قريب

بجد انا ماكنتش احلم ابدا باكتر من ده
ومجرد سؤال لـ دراجون وفتى الحب و سيلفر مون
انتو فعلا كلامكم صح 100%
بس مين دلوقتى بقى بيفرق بين الصداقه والزماله؟
وبما ان الغالبيه العظمى "ومحدش ينكر ده" من الشباب بيسمو الزماله بالصداقه انا قلت الصداقه عموما علشان نقدر نوصل مع بعض لتعريف بسيط ويرضينا كلنا
وفعلا انا فرحان لان لسه فى ناس قادره تفرق بين الاتنين
وكمثال بسيط عن السور اللى انا قولت عليه
لو زميلتى عارفه انى خاطب عمرها ما هتفكر فيا غير كزميل ونفس الكلام لو انا عارف انها مخطوبه هلاقى غصب عنى فى قيود بتقيدنى اثناء التعامل معاها وده سور كويس علشان احميها واحمى نفسى بس لو مش موجود يبقى النتيجه "زى ما قال فتى الحب" حب فااااااااااااشل
وانا فعلا سعيد بمشاركتكم

السلام عليكم يا جماعة انا عايز ة اقول لو اى واحد فيكم عرف ان البنت اللى هيرتبط بها كانت مصاحبة واحد مش انت هتبقى مش مرتاح ولا ايه؟؟؟!! أكيد هيبقة مش مرتاح أو خايف من حاجة وعلى فكرة هى دى نظرة المجتمع مش هتتغير أبدا وتقبلوا مرورى

وبما انك ذكرت ذلك فكان عليك الايضاح من البداية



فالزمالة لها سور واحد يحميها هو انها علاقة داخل محيط العمل وسوره لاتمتد ألى اى نوع من انواع العلاقات الاجتماعية بين الافراد


وشكر ليك يانشوان على انك اتحت لينا الفرصة دى
ومنتظرين سلسلتك يا محمد طارق

وتقبلوا مرورى

شكرا ليكوا جدا على المشاركه الفعّّاله دى واللى انا فعلا استفدت منها
وشكرا لمرورك الكريم princess of white hearts
وان شاء الله تنورينا ديما انتى وكل اللى ساهموا ولكم خالص تحيااااااااااااتى

الاستاذ نشوان مش قال رأيه
لحد دلوقتى ليه؟؟؟؟!!!!!

أولا بسم الله الرحمن الرحيم
ياريت حد يجاوبنى بصراحة هل تقبل على نفسك أن ترتبط بفتاة مشيت معها عن نفسى ده مستحيل لأنى
ببساطه مش هامنها على اسمى أو أولادى

بالنسبة لي الصداقة بين الولد والبنت من غير حب وكلام عالتليفون ليل نهار والهبل ده حلوة انما اللي حجتو انو بعد كده هيدخل في كلام جد و كده فده كلام افلام
انا عن نفسي بعامل البنت اللي اعرفها تقريبا زي الولد اللي اعرفه مع الفروق البسيطة بينهم ده رأيي

شكرا ليييييييييييييييك kill master

hiiiiiiiiii

hiiiiiiiiiii,r0r0

but you gonna tell us about your opinion or what

يا جماعه انا قولت اننا فى مجتمع يعيب الفتاه على كل شيىء
اما الولد لا يعيبه الا قليلا
فمثلا اذا وجد ان البنت تتحدث مع شاب عابها الجميع
فى حين ان الشاب عندما يتحدث يحسده الجميع ههههههههههه
بجد انا مش بهرج ده فرق واضح
ده غير ان الاسلام محرم الصداقه
انا عارف ان رأى ملهوش لازمه بس انا بحب اتكلم

u r welcome sad.love.story