يبقى انت اكيد فى مصر

يبقى أنت أكيد فى مصر

لو أنت ماشى فى شوارع كلها تكسير

وكل ما تقوم من حفرة تقع فى بير

وتمللى تقابل فى الطريق كارو وحمير

يبقى أنت أكيد فى مصر

لما تلاقى الجو كله غبار وهباب

وودنك طوالى بتلقط شتيمة وسباب

وأكوام الزبالة عليها حومة من ذباب

يبقى أنت أكيد فى مصر

لو شفت جبال وتلال أكياس قمامة

أو طوب ودبش وزلط وهديد ولمامة

ومواسير مكسورة ومية مجارى ياما

يبقى أنت أكيد فى مصر

لو كل ما تصحى تلاقى المية مقطوعة

وجايز وانت ماشى تقع فى بالوعة

تصرخ بأعلى صوت ومرارتك تصير مفقوعة

ومين يسمعك يا حبيبى من حكومة مصر

يبقى أنت أكيد فى مصر

انا خايف عليك لحسن تدخل السجن
بس عموما القصيده معقوله
و مصر جميله مش للدراجه دى
Laughing

لأ متخافش عليا
احنا بنحب الحكومة
lol!

ماشى يا باشا انت طول عمرك جامد

الموضوع حلو وممكن مخيف ايه رايك امسحه خوفا عليك ؟؟؟؟ confused

انت بتتكلم جد ولا ايه
احنا بلد ديمقراطيه
.
.
.
.
.
.
ولا اقولك انا شكلى انا اللى همسحه
العمر مش بعزقه
ههههههههههه

موضوع: شديد الأحد فبراير 01, 2009 6:34 am

جااااامد
بس انا من كتر مسمعت الكلام ده قرفت من العيشة
بس هو مينفعش الكلام يبقى فعل
انا حاسس اننا عايشين في غابة مش في كيان دولي منظم
بس على العموم تشكر شكارة كبيرة اوي
مستنين اكتر يا سيد المعلمين

» الضحكه هى الامل
» سؤال صعب لو عرفتو .....................................................يبقى اكتب الجواب