اخترت بداية حكايتي من الماضي إلي المستقبل والحاضر آخرمايمكن التحدث عنه
أنا اسمي يوسف طالب إعدادي هندسه طبعا ده مش اسمي الحقيقي السبب هتعرفوه لما تشوفوا اللي كتبته.
حبيت أعرفكم حكايتي عشان تحسوا بيا يا بهايم طبعا الكلام ده للجدعان اللي زيي هتعرفوا ليه أنا بقول كده وهتعذروني كمان طبعا آخر حاجه ممكن أسألكم عنها الامتحانات خاصة بعد امتحان الرياضة والميكانيكا والتكنولوﭽيا و....آخره أنا شايل معاكم السنة اللي جايه متقلقوش هظبطكوا.
الماضي بتاعى يبدأ من ليلة دخولي الجامعة ليلتها رحت وضحيت بال50 جنيه اللي خدتها من خالي أصل اناكنت مرحله تانيه يمكن لو كنت مرحله أولي كنت خدت100 ولاحتي 75.ليلتها كان عندي مشاوير كتيير كان المفروض أروح للحلاق وطبعا استحمي واشتري gillمن ابوجنيه ومنساش ريحه ولاكالونيا حتى من ع العربية وكاب عشان يداري البلاوي أيام الامتحانات ومكنة حلاقه عشان مبقاش زى بتوع الصنايع وحاجات تانيه كتيير مش فاكرها بس والله اكتر حاجه زعلان عشانها ال50 اللي اتفرتكت ومتبقاش منها الا13جنيه حلو رضا حد طايل الحمد لله كنا فين وبقينا فين وبعدين جهزت الهدوم وقعدت اكوي.. وابخ ..وابخ ..وابخ ...لحد ما تعبت كل ده عشان
أول يوم.
رحت عشان أنام وبعد نضال مع أحلام اليقظة نمت وحلمت خير اللهم اجعله خير إن أنا أنا يوسف قال اية في أستاذ ف الفصل سأل سؤال وماحدش عرف يحله وأنا قمت زى الأسد آه والله مبضحكش عليكوا وجاوبت وإذ فجأة اسمع اللي يصفر واللي يطبل واللي يرقص واللي تزغرط (دول البنات)تقولش مهند بحبله وقرنه وسمعت فريق يهلل ويقول الله اكبر الله اكبر لدرجة إن أنا قشعرت وعيطت ولقيت الأستاذ وقف ع التختة ويتنطط ويصرخ ويقول دا عبد الفتاح الجرينى الجديد مصر جابت يوسف ابن أبو يوسف.... وكرومبو... وفيفى عبده... ولسه الأستاذ هيكمل مدح.....! ولقيت امى بتقولى "اصحي ودي البهايم الغيط قبل ماتغورالساعة بقت 6" والساعة جات 8 وإنا كنت ولا عمر الشريف ف شبابه كنت لابس T-shirtاسود و بنطلون ﭽينز و ضارب gill وحطيت كالونيا وشكلي كده مكنتش رايح الجامعة كان شكلي رايح اخطب وشكلها هي دى الحقيقة .
اية اللي حصل بعد كده........................... انتظروا العدد القادم مع :اعدادى 2009.
للتواصل myousiff@yahoo.com
موضوع: يوميات اعدادي 2009 
الأربعاء يونيو 24, 2009 11:20 am
