نكت جديده جامده

كل لما عم عوض الفلاح يعمل حاجه غبيه جداً ... فيه اثنينن يعملوا حاجه اغبى بكتييير
لحد ما عم عوض راح باني كوبري في الصحراء
تاني يوم لقاهم واقفين عليه وماسكين سناره وبيصتادوا
*****
اثنين مساطيل
الاول : ولع الراديو
الثاني : ماعييش كبريت
الاول : ولا ولاعه؟؟؟؟؟؟
*****
واحد حرامي قرر يتوب سرق شريطين لعمرو خالد
*****
الميكانيكي : الكاوتش ده ضرب ازاي ؟؟
الراجل : دست على ازازه
الميكانيكي : وما شوفتهاش ازاي وهي بتلمع في الشمس
الراجل : ما هو الراجل الحمار كان حاطتها في جيبه
*****
ليه السودانيين ايديهم بيضا من جوا ؟؟
عشان كانوا ساندين على الحيطة و هما بيرشوهم
*****

مرة جماعة راكبين عربية أجرة و مسافرين و السواق عمال يجري بسرعة قوي
واحد قاله ياعم هدي شوية
السواق قاله: بتفهم في البيجو
قاله: لأ
قاله: طب اخرس
سرعة العربية عمالة تزيد فواحد تاني
ياعم هدي شوية حتموتنا معاك الله يحرقك
السواق زعق: بتفهم في البيجو
قاله: لأ
قاله: طب اخرس
السواق عمال يجري فواحد تاني
ياعم انت حتموتنا
قاله بتفهم في البيجو
قاله أيوة بفهم في البيجو
قاله طب تعالى وقفها عشان أنا مش عارف
*****
واحد عنده كتكوت مفترس ، كل ما يدخله قفص الفراخ يروح الكتكوت واكلهم ، وفي قفص القرود ياكلهم
، وفي قفص القطط ياكلهم ، راح راميه في الصحرا . صعب عليه الكتكوت وراح يشوفه بعد تلات أيام
، لقى الكتكوت مرمي عالأرض والنسور بتحوم حواليه ، الراجل قاله : يا حبيبي إنت مت ؟ قام الكتكوت وقال له : يخرب بيتك بوزت الكمين
*****
واحد بخيل عنده اربع حيطان دهن واحده منهم باللون
الاصفر والباقى كتب عليهم نفس اللون
*****
مره واحد صعيدى قابل واحده سالها : انتى منين
قالتله: وات؟
قالها: اجدع ناس الوتاوته
*****
واحد فشار بيحكي مغامراته لصاحبه الغلس
الفشار : كنت ماشي مره في الصحره طلع عليا اسد فضلت اجري اجري لغايه ما لقيت عماره طلعت فيها
الغلس : يا كداب هو في الصحرة في عماره
الفشار : اه اسف فضلت اجري اجري لغاية ما لقيت شجره طلعت فوقها
الغلس : قال له يا كداب هو في الصحرة في شجره
الفشار : اه اسف فضلت اجري اجري لغايه ما لقيت جراج دخلت فيه
الغلس : يا كداب هو في جراج في الصحرة
الفشار : فضلت اجري اجري لغاية ما أكلني ارتحت ؟
الغلس : يا كداب هو في اسد في الصحرة
*****
واحد دخل فندق 5 نجوم كان في فرح وهو كان عايز يروح دوره المياه فبيسأل واحده
في الفرح وهو مكسوف جداًً ... وبيوشوشها في ودنها
لو سمحتي التلاوَت منين ؟؟
البنت ضحكت وقالت : قصدك التواليت ؟ .... من الناحيه التانيه
فراح لف وشوشها في ودنها التانيه : التلاوَت منين؟؟
*****
احد مسطول اشترى جوز جزم جوز بني وجوز اسود ومن كتر السطل لبس فرده بني وفرده سوده ونزل قعد عالقهوة
وقعد جنب اتنين مساطيل فبص عليه واحد من المساطيل وراح قايل للي جنبه شوفت ياااض
على الطلاق اول مرره اشوف واحد حاطط رجله على رجل اللي جنبه
*****
واحد عنده ديدان في بطنه
المهم راح لكل الداكتره ومفيش فايده
فواحد صاحبه قاله انا عندي حل
انت تروح للدكتور هاني بتاع العلاج الطبيعي..... فراح للدكتور هاني
فقاله الدكتور انت تجيب بطيخه وتكون كبيره وحمرا وطعمها حلو وتقطعها نصين وتقعد عليها
هتنزل دوده تدوق طعمها وهتنادي على باقي الديدان ينزلوا من بطنك
راح
صاحبنا واشترى بطيخه وقطع راسها وقعد عليها فلما نزلت الدوده داقت طعم
البطيخه لقاتها حلوه فنادت على الديدان الباقيين وقالت:دي طعمها حلو قوي
..طلعوها
*****
واحد بيقول لمراته اقولك نكته
قالتله قول
قالها النكته فقالتله هههههه بااايخه
قالها ههههه طالق
*****
مرة واحد احول سالوه ايه امنيتك في الحياه
قالهم اني اشوف واحد ماشي لوحده

هههههههههههههههههههه
حلوه يا عبدو

ده من بعض ما عندكم

امال فين اعضاء المنتدى الفاضى ده

انا حاسس انى بكلم نفسى

هههههههههههههههههههه
نكت حلوة اوى
شكرا ليك ياعبدو

اى خدمه

وشكرا لمرورك

حلوة اوي
خد عندك
مرة واحد صعيدي خلف ولد صام يومين لله الواد مات قال والله لاخصمهم من رمضان
*******************************************
مرة واحد بخيل بعت ابنه يجيب 3 ارغفة عيش واحد ليه وواحد لمراته وواحد لابنه مراته ماتت بص لابنه من الشباك قاله رجع التالت امك ماتت
********************************

ههههههههههههههههههههههههههههه
انت بتجيب الحجات دي منين
بس يا ريت يا بوسي كات
تخصمي النكتة الاولانية

من عند البقال

مع انو رد متاخر بس النكت جامده

جامده يا عبدو بس بتفكرنى بواحد صحبى انت عرفه

اكيد عارفه ده حبيبى

وشكرا على ردك المتاخر يا موستا

» نكت جامده
» نكت جامده موووووووووووووووووووت
» قصص قديمه جامده طحن
» ;كاريكاتيرات جامده جدا
» فوازير جامده