عايزه تحرقي دم اخوكي؟

اوعو حد يزعل منى بقى من اخواتنا الولاد..ده تهييس يا كماحه...عاتى بقه

احم احم احم................توكلنا على الله.........بصى يا سيتى انتى وهيا
لاى بنت مقهوره
وعايزة تنتقم من
أخوها وترفع ضغطه
**لو فى مباره فى التلفزيون**
لو فى مباراه والأخ متحمس أقطعى الحماس ده
ازاى
أنا أقولك
استنى لحد ما يندمج اوى مع المباراه
وهتعرفى أنه أندمج لما تلاقى عنيه مفتوحين على
الأاااخر ومش هامه حد يعنى ممكن تجيبى صاروخ تفجريه
جنبه ولا يلتفت
هنا بقى قومى بشغلك
روحى جيبى قطعه قماش وبخاخ التنظيف واقفى عند التلفزيون وامسحى الشاشه
واذا قال ابعدى
قوليله أنامش فاضيالك أنا بنضف وبمسح
وبعدين روحى جيبى المكنسه واكنسى المكان اللى
هوفيه وحاولى كل شويه تكنسى قدام التلفزيون
يعنى لا صوت ولا صوره
وغطى عليه ولا يهمك
ولوقال ابعدى وحسيتى أنه هايحدفك بحاجه
قولى يعنى اسيب البيت كده والضيوف جايين في السكة
وبعدكده اعملى أنك نسيتى الكيك فى الفرن
ودوسى على رجليه واجرىوماتبصيش وراكى
*عند النوم*
لما تحسى أنه دخل فى النوم وسمعتيه بيشخر
هاتى اى طفل يقابلك ابن اختك او اخوكى الصغيرين
ابن الجيران ان شالله ابن البواب
ودخليه يلعب فى اوضته فوق راسه
وقوليله الأطفال احباب الله
اوتعالى وهو فى سابع نومه وارجفيه
الرجفه اللى يصحى مايحسش
بنفسه الا وهو قاعد
وبكل برود قولى (عايزين نخرج)
ولوشفتيه مش رايق ومالوش خلق
اوعى تخافى هى دى فرصتك
بس خلى بالك من حركات اديه
وحضرى مفتاح اوضتك علشان هاتحتاجيه
واضحكى على شكله وعلى شعره وقعدته
وعلى هدومه
واذا قال ابعدى علشان أنا مش رايق
زودى العيار حبتين
ولو حسيتى باى غدر
استعملى مفتاح اوضتك واقفلى على نفسك
*وقت المعركه*
ولو طقت فى دماغك وحبيتى انك تقومى
بمعركه انتى وهو
لازم تجهزى نفسك من كل ناحيه
1/اللبس:لازم تلبسى ترنج علشان يسهل الجرى
2/الشوشه لازم تلميها وتعملى حفله ايشاربات فى راسك
وانتبهى ولا خصله تنزل من شعرك
واليوم ده ياريت تكونى حاطه حنه على راسك
علشان مايتجرئش يلمس شعرك
3/مفتاح الاوضه لأن الأحتياط واجب
1ذا بدئت المعركه اوعى تبينى انك خايفه
وأول ما ايده تطول
اوعى تستسلمى واديله
طراااااااااااااااااخ
بالبوكس فى عينه علشان مايشفش ادامه
وحطى رجلك ادامه
وعلى طووووووووول
على اوضتك اللى مجهزه مفتاحها قبل كده
بس نصيحه اقعدى يومين لايشوفك ولا تشوفيه
لأنه عاوز ينتقم لكرامته
وممكن يوريكى النجوم فى عز الضهر
هههههههههههههههههههههههههههههه ههههه
وابقو قوللى بقا على الى ها يجرالكو



بصراحه هما الي بيجبوا لنفسهم

هههههههههههههههههه
انا انصح البنات ميسمعوش كلامها
علشان ده فى خطر على حياتكم اصلا
لانى اظن انالموضوع مش هيبقى ضرب فقط

ههههه
قسامى

هههههههههههههههههههه
حلوة اوي بس ربنا يستر علينا

ليه كده يا بلاك مبلاش انتوا .......... هعهعهعهع لا إحنا جامدين أوى

ايه مانتوا الي بتفتروا علينا الاول

احنا ؟
دحنا زى الحمل الوديع .... بنكون فى البيت هاديين ... أحنا بندلع أخوتنا البنات ونسيب النت عشان هما يعدوا وأى حاجه عيزنها بنعملهلم
هههههههههههه

لا والله وده من ايه ان شاء الله
ده لو انتوا حمل وديع نبقى احنا ايه بقى ريشه في الهوا
امال فين قومي يا بت حضريلي الغدا تقولش سعديه الجاريه

لا الخدامه الفليبنيه اللى دادى جبهالى هههههههه

أمال انتوا فيدتكم إيه ؟؟ يعنى احنا نشقى ونتعب طول اليوم وانتوا مش عايزين تعملوا حاجه ؟

ههههههههههههه خفه
تشقوا وتتعبوا في ايه في لعب الكوره ولا الخروج ولا حرام انتوا بتتعبوا اوي من كتر النوم
والله ده انتوا من غيرنا ولا تسوا حاجه

معاكي حق واللهي هما فاكرنا مش عارفنهم

احنا نقدر نقول حاجه آسف يا باشا..... بس أحنا صوابع إدينا بتتهرى من كتر لعب البلاى ستشن .... شفتوا يا حرام علينا

لا مساكين

صعبتوا علينا يا حرام تحبوا نلعب بدلكوا ولا حاجه وتريحوا ايديكوا
ماهي زيطه بقى

انا لو اختى عملت معايا كده

مش هعملها حاجه لانها اكبر منى ولازم احترمها

واحترام الكبير واجب

هههههههههههه
موضوع جميل يا بلاك

انا بقى اكبر اخواتى
يعنى ديكتاتور
ومفيش حد يتجرأ ويعمل كده
لانه عارف ان ده معناه نهايته
موضوع مش حلو
هههههههههههههههههههههههه
لا يا ستى حلو وكل حاجه
لحسن يفجرونى السنه اللى جايه

هههههههههههههههههههههههههههه

جامد الموضوع ده مع انو فيه دعوة نسائيه للتمرد بس الحمد لله انا في السليم عشان ماليش اخوات بنات (ودي نعمة كبيرة اوووووووووووووووووي)

موضوع دمه خفيف ولذيذ اوى بس يا الف خسارة معنديش اخوات صبيان اعمل فيهم كده عااااااااااااااااااا

بس موضوع حلو اوى يا بلاك

انا زي نشوان اكبر اخواتي وديكتاتور كمان

ويعني لو حد من اخواتي البنات قرى الكلام ده هيستشهد على نفسه وهو بيقراه

مش هيتجرأ انه لمجرد يفكر فيه

اصل انا مرهب وشرير نياهاهاهاها

وبعدين عايز اسال بلاك انتي تقدري تعملي كده في اخوكي حتى لو كان اصغر منك

صراحة ما اعتقدش

اولا شكرا ع الردود
ويا اخ عبد الناصر والله انا بقرفه في عيشته وباساليب اكتر من دي
انا لو عايزه ادايقه مش لسه هنضف الtv انا هشد الفيشه واجري ع بابا
وكمان انا الصغيره مش هو

دي غيره دي ولا ايه يعني
بس ربنا يجازيك خير علي الشر دا
وعلي فكره انتو بردو بتتفرجوا علي المسلسلات والكلام الفاضي دا
وممكن نكسر التليفزيون مش نشيل الفيشه
بس انا الحمد لله مليش غير اخت ومتجوزه