أدخل ... لجميع الأعضاء

يا جماعه انا عامل الموضوع لأنى حقيقى وصلت لدرحه عاليه جداً من الخنقه ومش لاقى حاجه أعملها

يريت يا جماعه كل واحد يقول ممكن نعمل إيه عشان الفرااااااااااااغ الرهيب ده

انا هنزل اتمشى شويه

ممكن تجيب كتاب و تقرا فيه انا عن نفسى بقرا كتير
نصيحة نزل قناة ناشونال جيوجرافيك بجد هاتستفيد
كل ما تلاقى نفسك زهقان انزل اتمشى
او زور اقاربك او اقرا قران او احفظه
بس

خلاص اعمل جمعيه واقبضها الاول

ممكن تشترك انت واصحابك وتشتروا كام دستة بالونات وتروحوا بيت واحد صاحبكوا يكون ساكن في دور عالى وتملوا الانابيب ميه و من فوق السطح وحموا الناس اللي ماشية في الشارع.

lol!

يا جماعة انتوا ليه واخدين الموضوع هزار دى حاجة بتبقى كئيبة ومحزنة

المهم انا رايي زى ما قالت البرنسيسة اولا ابقى اقرا شوية قران بجد هترتاح وانا مجرباها وكمان احرص انك تزور قرايبك خصوصا لو مشفتهمش من مدة ولو فيهم حد قريب من سنك يبقى احسن واهو منها صلة رحم ومنها تغير جو
او ممكن تروح اماكن مش متعود تروحها يعنى اماكن جديدة وبما انك ولد اطلع انت وصحابك اى مكان هادى كده او حتى مصيف انشالله معسكر فى اى مكان حتى المهم اعمل حاجة جديدة وبعدين متنساش ان رمضان داخل اهو ان شاء الله وهتلاقى جو العيلة الحلو ده ينسيك الدنيا وما فيها وابقى حتى اعزم صحابك وخصوصا اللى مشفتهمش من زمان صدقنى هتتبسط جدا

ده رايي وربنا معاك ويخلصك من الفراغ

على فكره المشكله دى هتلاقيها عند معظم الاعضاء وفى حلول كتييره ممكن تروح تلعب اى رياضه فى الاستاد او فى اى مكان

وداوم على قراة القران وفى طريقه سهله لختم القران

المصحف 600 صفحه او 602 ..صح
)لو مش مصدق روح بص فى المصحف بسرعه وتعالى(

هاه.. طلع كام !!..أوكي ... تعالى نكمل بقه

المصحف 600 صفحه على 30 يوم بكام بسرعه يا مهندسين !!!!

خلاص هاقول الحسبه أبسط من كده 600 / 30 = 20 صفحة
...شفتوا سهله إزاي...

طيب يعنى فى اليوم 20 صفحه وإحنا عندنا 5 صلوات فى اليوم
يبقى 20 / 5 مظبوط أيوه كده

4 صفحات
يبقى إنت لو قريت 4 صفحات بعد كل صلاه يبقى فى اليوم هتخلص 20 صفحه

يعنى فى الشهر هتخلص القرآن مستريح أوى

عايز نصيحتى خليهم 30 فى اليوم علشان لو جيت إنشغلت فى يوم من الأيام
يتعوض فى يوم تانى
إستنى الموضوع لسه مخلصش

الدال على الخير كفاعله
شوف بقه لو نشرت الطريقه البسيطه دي بين كل أصحابك وختم القرأن بسببك هيتحسبلك أجر
وثواب أد إيه...

ياااه ده إنت تبقى ختمته كتيييييييييييييير أوى ..

يللا يا عم شد حيلك.. عايزين

الناس كلها تختم القرآن السنه دي على ايدك

دى كانت الطريقه ايه رايكم فيه وبعد كده ممكن نقضى الاجازه فى الاشتراك فى جمعيه خيريه على فكره فى ناس محتاجه لمساعدتكم كتييير وطبعا مش هتقدروا تساعدوهم الامن خلال جمعيه خيريه
اكيد كلكوا او معظمكم يعرف جمعية رساله للاعمال الخيريه
واكيد كلنا عاوزين نعمل ثواب و عاوزين الاجازه متروحش هباءا
عشان كده يا بشمهندس يا بشمهندسه اخوانكم محتاجينكم
يعنى اييييييييييه؟؟؟؟؟؟؟؟
يعنى الواحد لازم يزكى عن صحته
ازاى؟؟؟؟

بزيارة دور ايتام و دور مسنين و توزيع مواد تموينيه و هنرمم مساجد
طيب واللى عاوز ييجى ؟؟؟؟؟
اولا: يروح يشترك فى الجمعيه من خلال الاستماره اللى هتملاه هناك
ثانيا: واشترك فى كل الانشطه اللى عايز تشارك فيه طبعا مفيش اسهل من كده!!!!

وفى النهايه انا حاسه انى طولت عليكم بس ارجوكم ما ضيعوش وقتكم فى حاجات مالهاش لازمه لان ربنا هيحاسبنا على الوقت ده

شكراً ليكم خصوصاً مهندسه مسلمه

والله فكره جامده يا موستا ...

لكن بالنسبه للبرنسيسه أنا قريت سلسله هارى بوتر 3 مرات ورجل المستحيل و المغامرين الخمسه وما وراء الطبيعه .... إيه هو انا هحفظهم مش بقولك مفيش جديد

اما بالنسبه للسفر دى فكره جامده (بس فين العربيه )

» زملكاوى أدخل وأضحك
» ....معني كلمة مبروك .........أدخل واتصدم!!!!