عذرا انستى ولكن هل تقبلين بلقب العانس؟؟؟؟؟؟؟؟؟؟؟؟؟؟؟؟

" هو فى رجاله اصلآ " .. بسم الله ما شاء الله الكلمه ده بقت موضه اليومين دول عند كل البنات

كل ما تسأل واحده يا حلوه متجوزتيش ليه وليه ما وافقتيش على

العريس اللى اتقدملك . تقولك ما ارتحتش بعد ما تطلع فيه القطط الفطسانه

ترزع جملة " هو فى رجاله اصلآ "




وسعوا شويه كده عزيزاتى الانسات مصر مليانه رجاله ايوه والبنات اقل من الرجاله ... مصر مفيهاش بنات واللى مش مصدق يجى ورايا للسطور اللى تحت

بتعرفى تطبخى يا حلوه ؟..

اعتقد ان معظم الشباب المتجوز حديثآ بيعانى من المشكله دى لان الست هانم

ملهاش علاقه بالمطبخ لانها كانت مشغوله فى السنين اللى فاتت من عمرها

بال make up والمرايه وسماع عمرو دياب لتكون النتيجه بعد الجواز مصيبة لما تدخل المطبخ

رز شايط .. ومكرونه محروقه .. وفرخه مغسوله بالرابسو

ياريت المسأله تنتهى عن كده .. لأ .. دا فيه غرامات ماديه مش بس الخساير اللى حصلت فى المطبخ

لكن كمان فلوس اكل التيك اواى اللى هايجى من بره والميزانيه تضرب

يعنى اتجوزتك يا حبيبى علشان يا عينى تخرب بيتك , واوعوا تفتكروا ان الضعف العام

اللى بيعانى منه الطفل المصرى بسبب الفقر بس , صدقونى السبب الرئيسى

ان الامهات الشابات مبيعرفوش يعملوا اكله عدله لا للراجل ولا للبيبى

طيب ..
تعرفى يا حلوه تعملى ميزانيه

الحق يتقال ان معظم بنات اليومين دول شطار فى عمل ميزانيه لل make up

وسى ديهات عمرو دياب واليسا وتامر حسنى والبرفانات وممكن تكون رومانسيه قوى

فتربيلها فى البيت قطه .. والقطه عايزه اكل او سلحفاه والسلحفاه سخنت عايزه دكتور

وتلاقيها مهتمه بالورد .. يعنى يعيش الورد والسلحفاه والقطه ويموت الراجل من الجوع

" انت مش مهتم بيه " شعار خراب البيت على ايد الاموره الشابه يبدأ من هنا

والمصيبة بقى " انت ما بتحبنيش زى الاول " ..

ومن هذه الجمل الشاب المسكين يحاول ان يثبت للهانم انه مهتم بيها وانه بيحبها

سينما يالا .. مصيف يادوب نلحق .. الشهر اللى جاى يومين فى شرم وبسبب الاثبات ده

غالبآ ما بيتفصل من شغله المسكين .. ولو ما حاولش يرضى الحلوه تلاقيها رافعه عليه

قضية خلع , الله يرحمك ياست امينه يا اميره يابنت الامرا ويرحم ايامك اللى كنتى بترضى

فيها بأى حاجه وعمرك ما قولتى مش مهتم بيه .

ثم فين البنت النهارده اللى تقدر تستحمل ظروف الشاب ؟.. وتقدر تحافظ على اسرار الراجل

من غير ماتنشرها ويلاقيها تانى يوم عند صاحبتها مديحه وانتيمتها رشا وزميلتها نهله

ثم ايه حكاية " استقلالى ومشاعرى .. واحساسى .. وشخصيتى "

فين ايام امهاتنا وجداتنا اللى كانت الواحده منهم ستر وغطا على راجلها ..

تعرف تحافظ على بيتها وتربى ولادها .. وتخفف على جوزها مشاكل شغله وتوفر له

الراحه والهدوء وتستناه بالميه السخنه والملح ... مش عايزين ميه سخنه بس عايزين زوجه عدله

بذمتكم .. الشاب مننا يتجوز مين ؟.. ويروح ليه لواحده تحرق دمه .. شبكه وشقه

والفستان بتاعى .. اصل انا عايزه فرحى يتحكى بيه

دا لو دفع فيها 50 جنيه وهى بالمواصفات اللى فاتت دى تبقى واقفه عليه بخساره

اعزائى الانسات حلال فيكم العنوسه .. ومبروك عليكم اللقب وزيادة العدد .

ايه يعني هو احنا بس الي مش كويسين في كل حاجه
وع فكره مش كل البنات مهتمين اوي بالميكب كده وحتى الي بهتموا مش بيبقى اوفر كده
وبعدين فيها ايه لما تتعلم الطبخ وتجرب في بيت جوزها اذا ما كنش هو يستحملها مين يستحملها
يعني هو انتوا الي خلاص كاملين من مجاميعوا
بلاش نتكلم خليتا ساكتين احسن

سبحان الله
اشمعنا احنا بناخدها هزاااااااااااار وبنعديها
ولا اللى على راسه بطحه
ههههههههههههههههههههههههههههههه
لعلمك الموضوع موجود فى منتدى التهييس يعنى هزااااااااااااااااااااار
هدى نفسك وبلاش تتعصبى انتى صغيره والسكر داير بيخطف الصغيرين
هههههههههههههههه

ليه بس كده
ماهو زى ما البنات ما يستحقوش انهم يتجوزا حد كويس لو فيهم الصفات الوحشة دى
كمان الاولاد مش اد المسئولية لما يبقى الولد لسة خارج من ثانوى وقدامه 4 سنين كمان ف الكلية ولو فى جيش كمان و يقول بحب و عايز اتجوز
طيب ما هو كدة مايستهلش غير واحدة بالمواصفات دى اصل ما ينفعش انه ياخد واحدة كويسة
و الطيور على اشكالها تقع
و معلش على الاطالة

لتاني مره انا مش صغيره
وبعدين انا ولا اتعصبت ولا حاجه
ده مجرد ابداء راي
عاااااااااااااادي هزار برده

اكييييييييييييييييد
بس على فكره فى فرق كبير بان الشاب يصارح اللى قدامه بحبه وانه يرتبط بيها
اولا معظم الشباب بتسارع بالخطوه دى علشان يعرف البنت انه بيحبها ويسيب القرار فى ايديها لو هتقدر تستناه او هتنفض وتسيبها لظروفها
دى نقطه
وطبعا لو ولد مش قد المسؤليه مالوش حق اصلا انه يبص ليها مش يقولها بحبك
ومفييييييييييييييش اطاله ولا حاجه

على فكره انا لما بقول صغيره مش قصدى انك صغيره انا بهزر والله

وانا والله عارفه مش غبيه انا يعني
ده انا حتى هندسه

اااااااااااااااااه علشان كده وانا عمال اقول شوفتك فين قبل كده

ههههههههههه في الجامعه يا خفيف
كنت بمسح سلالم مدني ع راي موستا ما هو انا ام ابراهيم الداده

اااااااااااه
علشان كده زعلانه ده مش بتعرفى تعملى اكل وبس
كمااااااااان مش بتعرفى تمسحى
ههههههههههههههههههههههههههههههههههههههههه

هههههههههههه عادي وفيها ايه
امال هما شغلوني في الجامعه ليه ماهو عشان قدراتي الفظيعه