تيجو نغير ونتغير

السلام عليكم ورحمة الله وبركاته


اه زي ما قلت في العنوان تيجو نغير ونتغير ؟؟؟؟؟؟


كلنا كدة مع بعض كدة


نقعد قعدة صفاء مع نفسنا


ونشوف ايه الي خنقك في تصرفاتك ونفسك تغيرو وايه الي كان نفسك تحققو ومحققتوش


طب ازاي نتغير ؟؟؟؟

اكيد الكل سال السؤال دة

دة شيء طبيعي

المهم

الاجابة هي كلمة واحدة بس


---- الدوافع----


سعات بنفقد الدافع الي يخلينا عايزين نغير من نفسنا او عايزين حاجة معينة
ولما بنفقد الدافع بنفقد الرغبة في تحقيق الحاجة دي ..

في مجموعة من الباحثين اكتشفو طريقة نقوي بيها الدوافع بتاعتنا دي ..
وازاي كمان نخلي عندنا دافع قوي جدا يخلينا نحقق كل الي عايزينو


طب يعني ايه دوافع ؟؟؟؟؟؟


هقولكم

الدوافع هي الحاجة الي بتخلق عندك الرغبة القوية في انك تنجح في اي عمل انت بتعملو

رغبة التغيير وخلافو

وفي منها دوافع خاريجية وفي دوافع داخلية

خلونا نكلم الاول عن الدوافع الخارجية

الدوافع الخارجية هي الدوافع الي موجودة حواليك والي ملكش سيطرة عليها

زي ايييه؟

زي مثلا تشجيع الاخرين لينا

تشجيع النس لينا بيخلي عندنا دافع قوي اننا نتغير وننجح في اعمالنا .. وكل
ما عملنا حاجة كويسة ونجحنا في حياتنا الناس بتتقبلنا وبتشجعنا اكتر واكتر


الدوافع الي زي دي بيكون تاثيره قوي بس للاسف مؤقت وبتكون تحت رحمة الناس الي حواليك..

ازاي بقى ؟

علشانالي حواليك اتوفقو عن تشجيعك ممكن انت كمان تتوقف عن الانجاز ..لان الدافع الي خلاك تعمل كدة اوتقف


زي مثلا :

رسام بيرسم لوحات خيالية علشان مراتو وحب حياتو كانت ملمهتو وبشتجعو على
طول بس مراتو اتوفت فبطل يرسم ليه لانو كان بيرسم علشان يشوف الفرحة في
عنيها ويسعدها فلما اختفى دة اختفت بالمقابل لوحاتو

طيب مثال تاني

واحد بطل يشرب سجاير علشان يرضي والدو ووالدتو لقدر الله ربنا اتوفاهم ..ياترى هيرجع يشرب سجاير علشان والدو ووالدتو كمان اتوفو

اكيد لا مش كدة ؟

دي كلها دوافع خارجية يعني معتمدة على الي حواليك او ظروف محيطة بيك..وطبعا كل الحجات دي انت مش متحكم فيها

طب تعالو نعرف الدوافع الداخلية

الدوافع دي هي الي موجودة جواك انت او انتي ...بتكون عايز تتغير علشان
تحسن من نفسك انت .. بتكون عايز تنجح علشان متاكد ان نجاحك هيكون لنفسك
انت مش لحد تاني

المميز في الدوافع دي انها مش مؤقتة زي الاولى لالالا دي مسمرة وانت لوحدك الي متحكم فيها مش تحت رحمة حد ..

مثلا :

ناخد الشاب الي بيشرب سجاير دة كمان مثال هنا

لو الشاب دة بص للموضوع من جواه وان دي عادة سيئة بتضرو واقتنع بدة من جواه فعلالالالا هيبطلو اكيد

تصورو معايا الاحساس لما تكون بتعمل حاجة او عايز تعمل حاجة ومن جواك انت لوحدك صممت على انك تتتغير وتنجح وتتفوق هيكون ايه ؟
احساس ميتوصفش

احساس بروعة الانجاز وانك عديت الخط الاحمر الي فاصل بينك بين الي انت عايز توصلو ووصلتو من نغسك



كل واحد مننا عايز يتغير وينجح

لازم يخلي الدافع الي عنددو دافع داخلي

اتغير علشان انت عايز تتغير

انجح لانك انت عايز تنجح وتتفوق

خليك لنجاحك طعم

حس بروعة الانجاز

فكر في التغيير كرغبة داخلية جواااااك

لو خليتو دوافعكم داخلية صدقوني هتكون اقوى واعمق وهتتغير فعلا وجذريا

لو عايزين تنجوز اي حاجة اكتبو الي عايزينو في ورقة

واكتب 10 مميزات هتعود عليك من التغييير دة او الانجاز الي هتحققو دة

لما هتعمل دة وهتفكر في المميزات دي هتتخلق عندكو الرغبة في التغيير وتحقيق كل الي بتطمحو ليه

دافع يحرككم من جواكم ويخليكم تتغيرو وتنجوزو

وهتلاحظو الطاقة الي هتتولد جواكم للوصول لكل الي انتو عايزينو

كان صفة عايزين تغيروها او نجاح عايزن تحققوه

هو كلو تغيير نحو الافضل

تغيير من اجل الرقي





تقبلو تحياتي بود

موضووع جميل و حلو
وفكرة جديدة وان شاء الله كلنا هانعمل كده

الموضوع طويل أوى
انا مش هقعد اقرا كل ده
بس مشكور على المجهود