كلام من القلب للقلب.....الكدب في الحب

مهما كانت مشاعرك وحبك للآخر ولا تريد ان يفارقك ابدا ، لكن هناك بعض التفاصيل التي تخجل في شرحها امام من تحب ولكن بطرح تلك التفاصيل ربما تفتقده وربما تخسره للابد ، هل هذا داعي ان تجمل او بالمعني الادق تكذب في اشياء ربما عند اكتشافها تندم انك كذبت فيها.، الكذب هو الكذب لا يوجد اسم بديل له ، والحب يفرض علينا اننا نصارح من نحب بحقيقتنا او باي شئ مهما كان صعبا ، وترك الاختيار له اما ان يبقي معنا وقبلنا بكل عيوبنا ومميزاتنا ، اما يذهب الي حال سبيله

ما رايكم في الكذب في الحب وهل هناك مبررات فعلا لجعل الكذب امر مسموح به ،هل تسامح او تسامحي عندما يتم اكتشاف امر الكذب ؟
وهل هو كذب ام تجمل ام امر طبيعي ينظر البعض له بانه طبيعي وليس كذب علي الاطلاق؟

اتمنى ان يعجبكم هذا الموضوع واعتقد ان كل واحد فينا عارف الكلام ده فعلا وبيحصل معنا كلنا

وعايزة اعرف رائيكم بصراحة ونتكلم بكل صراحة ونعرف وجهات النظر المختلفة فى الكذب فى الحب .

انا مش شايف الكذب في الحب ده مسمى اساسا لان طول ما هيبقى في حب يبقى في صراحة متبادلة بين الطرفين

قائمة على اساسها العلاقة دي ده رايي مبدايا ممكن بعد كده يكون في مناقشة اعمق للموضوع

هستنى ردود باقي الاعضاء

تحياتي على الموضوع الرائع يا كيوبيد

هو فعلا موضوعك حلو وانا بجد بقيت بتابع موضوعاتك لانها جميله
انا رأيى مختلف مع ناس كتير
وهو ان فى حالات لازم نكدب فيها علشان نحافظ على حبيبنا
كل واحد فينا اكيد ليه تجربه او تجارب وليه اخطاء ميحبش ان حبيبه يعرفها
سواء بقى علشان خايف تتهز صورته قدام حبيبه او انه ماضى نسيه مش عايزه يكمّل معاه
او لاى سبب
معلش ياريت محدش يقولى ان اللى بيحب بيغفر
يا جماعه احنا بشر ومش ملايكه
يعنى اكيد فى حاجات مش هنقدر نغفرها حتى لو علشان نكمل مع الشخص اللى بنحبه
فانا شايف ان احيانا الواحد بيبقى مضطر يكدب علشان بيكون خايف من الصراحه لانها ممكن تخلى حبيبه يسيبه
وانا مش قصدى طبعا ان الكدب حاجه حلوه او ان ليه مبرر
بس للاسف انا شايف اننا ساعات بنبقى مجبرين عليه
وبجد مشكوره على الموضوع

موضوع جميل جدا يا كبيود
تسلم اديك
وانا اتفق مع نشوان

فى حكايه انه ممكن يكون فى كذب سعات
للحفااظ على الحب ده من الضياع

يعنى مثلا انتى تفضلى ان انتى تكدبى علشان متخليش اسره تضيع ولا تقوللى الصراحه
وتضيع الاسره بالاطفال اللى فيها

بس اهم حاجه فى الكذب فى الحاله ديه انه ميكنش فيه ضرر
ل اى حد

يعنى انا برده مش برجح الكذب وبأيده
بس بقول انه فى ممكن ساعات بيبقى مطلوب وحتى الواحد بيكون نيته صافيه وعارف انه بيكدب علشان ينقذ
حاجه
وربنا ان شاء الله هيسمحه

سورى على الاطاله
وميرسى تانى كبيود

سلااااااام

اه عادي في ناس كتير بتكدب حتى لو مع الحد اللي بتحبو

بس هوا لو كان الحب بجد متهيالي مش هيبقى في كدب

حتى لو حد منهم كدب على التاني في حاجه فاكيد علشان


عارف انو ممكن يزعل منو بس المفروض من الاول انهم يتفقو على الصراحه


حتى لو كانت الصراحه في اي موضوع هتسبب زعل بينهم


لان اكتر حاجه الواحد بيضايق لما بيعرفها ان حد بيحبو يكدب عليه

شكرا لمروركم وردودكم الرائعة دي
نورتوني

بجد الموضوع جميل يا كوبيد
وع فكرة احيانا الواحد ممكن يكدب ع حبيبتة ف حاجات عشان تحبة اكتر بس دة مش يعتبر كدب يعنى ممكن يقولها انا طول الليل بفكر فيطك وهوة مفكرش فيها الا قبل ماينام بس دة من اجل حبيبتة تحس انة بيحبها يعنى من الاخر بيافور فى مشاعرة بس دة فعلا احلى كدب

بس بتهيألي هو مش محتاج يأفور في مشاعره
لأن في النهاية مش في كلام بيوصل للقلب غير اللي بيطع من القلب
ومرسي لردك ومرورك

هو مينفعش يا جماعه يكون في كدب سواء في الحب او في الكره
الكدب هو الكدب
وطالما كدبت حتي لو حاجه صغيره
هتكدب تاني وتالت...........
وغير كده لازم هيكون في مشاكل وضرر
وانت اما تكدب ادام اللي بتحبه ممكن يصدقك في الوقت ده
لكن لو اكتشف الحقيقه..............؟؟؟؟؟
اعتقد انه صعب يصدقك تاني
الصراحه في وقتها ممكن تزعل بس اكيد هتريح

بصراحة كلام بلال صح جداااااااا
و موضوع جميل جداااااااااااا
شكرا ليكى ياكيوبد