الوصايا العشر لكل فتاة مخطوبة او الى هتتخطب قريب

أنستي العزيزة.. لو ربنا فك عقدتك.. واتخطبتي.. فإليك نصائحي حتى تأخذي
بخطيبك من مركب الخطوبة إلِّلي محدش عارف هترسى على إيه.. إلى مثوااااه
الأخير في قفص النسانيس.. قصدي قفص الزوجية السعيد..

أجمل ما في الخطوبة العزومات الرومانسية.. على أحلى محلات أكل فى البلد..
واللي عمرك مانتي شايفاها بعد الجواز.. المهم نصائحي لك عند أي عزومة مع
ختيبك.. قلنا رقَّه ....

1- الأول لازم تعرفي إن الشوكة والسكينة بيتمسكوا من إيديهم من الطرف .. يعني مش م الوسط ولا م البوز زي الخنجر ولا من فوق طبعًااا

2- العيش أوعي تفضحينا وتقطعيه بسنانك.. ولا الرغيف نصين بأيدك وكل نص
لقمة وتحشري.. أوعي.. العيش بيتقطع بالسكينة ف الطبق.. وبعدين تاخدي
لقمة.. لقمة.. بالعافية.. قال يعني نفسك مسدودة.. اضغطي على أعصابك جدااا
وبعدين لما تروَّحي.. إبقي حِفِّي زي مانتِ عايزه....

3- الشوووربة.. أبوس رجلك.. بند الشوربة ده مهم جدًاااا.. الشوربة تتشرب
من غير صوت خالص.. ومن غير ماتقعدي تنفخي فيها.. زي القهوجي اللي بينفخ فى
الحجر للزبون.. وطبعًاااااا عايزك تنسى تمامًا.. السلطانية اللي بتقيميها
على بقك ف البيت.. وتدلدقي على روحك.. بالمعلقه وبدون صوت.. سخنة ولعة
برضه بدون صوت.. وتسيبي تلت الطبق ع الأقل.. مش تميليه.. عشان تلهطيها
لآخر نقطة.....

4- الرز طبعاً .. بيتاكل بالشوكة.. أوعي إيدك تتمد ع المعلقة.. وتغرفي من
طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه..

5- المكرونة.. الاسباجتي.. برضه بالشوكة.. تتلف على طرف الشوكة.. لحد ما
تخلص وبعدين تحطيها ف بؤك من سكات.. مش تشفطي المكرونة عود عود..

6- السمك.. مشكلة.. شوفي.. بتفصلي اللحم عن الشوك.. إزاي..؟؟ تقطعي اللحم
من النص.. بالطول وبعدين تفردي اللحم ع الجانبين ولما تخلصي ناحية..
متقلبيش السمكة.. بلاش فلح.. شيلي السلسلة بالشوكة والسكينة وحطيها ف جنب
الطبق وكملي أكل النص التاني.. وبدل الفيلم الهندي ده.. نصيحة.. ماتكليش
السمك خالص.. قولي مابحبش السمك
وخلصي نفسك..

7- الجمبري.. -إذا كنتي عارفاه-.. أول ماطبق الجمبري ينزل.. بصيله بقرف
واحتقار شديدين.. آل يعني زهقانة من كتر أكل الجمبري الجامبو ف بيت
ببااااا.. وأتنهدي جامد وقولي..
برضه..؟؟؟ وتروحي قاطعة راس الجمبريياية.. بالشوكة.. أنا ف عرضك إنسي المصمصة دلوقت..

8- البطاطس سواء مسلوقة أو محمرة.. أوعي تهرسيها وتدبيها ع الرز وتدي
...لا..لآ...لآ...بالشوكة حتة حتة وإنت زي ما تكوني هاتعيطي من كتر ما
البطاطس صعبانة عليكي..

9- الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك
وهي مقفولة.. وبعدين ف طفاية السجاير اللي ع الترابيزه.. أوعي ياحبيبتي من
نظام التفتفة للبذر.. إنسي....

10- ولما تخلصي أكل تحطي إيدك على بطنك.. -اللي عصافيرها بتصوصو من
العينات اللي كلتيها-.. وتقولي له مش ممكن.. أنا عمري ما اتفجعت كدة..أنا
قدامي أسبوع.. هابطل أكل فيه.....
وبعدين تمسكي الفوطة اللي دايمًا موجودة ع التربيزة من غير لازمة..
وتبوسيها.. آل يعني بتمسحي بؤك..وبعدين تستأذني منه لدخول التوليت لإصلاح
ماكياجك.. وتخشي التواليت وتطلعي من شنطة إيديك.. لفة الفول والطعمية اللي
جايباها معاكي..

ههههههههههه
الموضوع جميل ياد

الامانة تحتم عليك ان تقول ان هذا الموضوع منفول من منتدى آخر وكانت الكاتبه انثى وهي تنصح بعض انواع من البنات وهذا شئ مقبول من انثى لانثى
وكان الاحق منك ان تقدم هذه النصيحه لجنس الرجال الذي انت منهم وبالتأكيد تعلم طبائعهم التي سبق ان ذكرتها عندما قلت( قفص النسانيس )
فبالتالي انت تعلم اي نوع من القرود انتم وربنا يكون معانا احنا لو حصل والمأسوف على شبابه ربنا كرمه وعزمنا على مطعم فبتكون النتيجه ان نغلق اعيننا من المهازل التي ستحدث .
تخيل قرد يأكل في مطعم (ولقد قلت قرد اي مذكر)
فأنتم اولا بالنصيحه ...

وتقبل مروري...

انت كده شعللتها يا عم

الاعتراف الي انت اعترفته ده اكبر دليل على انك انسان خالي من الابداع
والرغي الكتير الي مش عجبك مش منقول
يعني من ابتكاري اكيد افضل من الرغي المنقول

على الاقل في تجديد مفيش حد سبق وقاله قبل كده


لا تجادل الأحمق .. فقد يخطيء الناس في التفريق بينكما

nor كتب:

الاعتراف الي انت اعترفته ده اكبر دليل على انك انسان خالي من الابداع
والرغي الكتير الي مش عجبك مش منقول
يعني من ابتكاري اكيد افضل من الرغي المنقول

على الاقل في تجديد مفيش حد سبق وقاله قبل كده


لا تجادل الأحمق .. فقد يخطيء الناس في التفريق بينكما

أظن كفاية كده يا جماعة وكده عيب لان ده مش مكان خناقة
إنما فقط لتبادل الاراء والمعلومات
ومع اني أنا من جنس الذكور اللي اتشتمو
الا اني مش حابب ان ده يكون شكل الحوار بيننا بل يكون بعقلانية اكبر اتمنى ان ده ميحصلش تاني


و


برضو تحياتي ،،،،

دع قول السفيه ...........فان قوله فيه
لن يضر ماء الفرات...........ان خاضت الكلاب فيه

يا جماعه بجد كده مش هاينفع خاالص
و ياريت الحوار يكون اكثر من كده رقيا
معى انى اتشتمت (قرود)

طبعا علشان متفق معاك و الله فى الاسلوب ده
و كان الحوار بينها و بين اسامه ايه اللى دخل ممدوح فى النص
بش تستعجب من افعالها و تتقبل اخطائها