ابتسم انت فى هندسه

لما تلاقى اول محاضرة بيقول احنا متأخرين جداً فى المنهج و عايزين محاضرات اضافية.....ابتسم انت فى كلية هندسة

لما تلاقى عندك امتحانات ميد ترم بعد اول اسبوع......ابتسم انت فى كلية هندسة

لما تصور كمية ورق حوالى تلاتة طن...فى الاخر مش هتفتح منهم ورقة واحدة لضيق الوقت....ابتسم انت فى كلية هندسة.

لما البنات تحصل على الدرجة النهائية فى امتحانات الشفوى بعد ضحكتين .. و انت بتعصر من الاسئلة .. ابتسم انت فى كلية هندسة.


عندما تعلم ان لديك محاضرة الساعة 8 صباحا و جميع الكليات حولك تبدا
محاضراتها الساعة 10 او 11 اذن انت فى كلية هندسة

لما تلاقي كل اصحابك معاهم علي الاقل 15 بنت في السيكشن وانت معاك واحدة او اتنين ومظبتين المعيد او الدكتور
ابتسم انت فى كلية هندسة

لما كل اصحابك يروحو الكلية بعد اربع ايام من الدراسة وانت من اول يوم تاخد 4 شيتات
ابتسم انت فى كلية هندسة.

لما كل اصحابك يقضوا الويك اند في اي مكان وانت مقضيه في المذاكرة والمراجعات
للاسف انت في كليه هندسة.

عندما يكون مشروعك يتكلف 30 جنيه وتصرف عليه 500 جنيه وتجاوب الشفوي وينجح التصميم وتجيب مقبول ابتسم انت في كليه هندسة

عندما تستيقظ كل يوم و تعلم ان لديك حفنة من السكاشن و المحاضرات و
غيرك بياخد 3 ايام اجازة فى الاسبوع غير الجمعة و العطلات الرسمية ابتسم
انت فى كلية هندسة

عندما تقول لسائق التاكسى كلية هندسة فينظر لك نظرة حاسد و حاقد ( على
ايه يا حسرة ) ثم يو صلك مشوار الاتنين جنيه و يقولك عشرة ( طمعا فى
المهندس الصغير ) ابتسم انت فى كلية هندسة

عندما تطلب احد اصدقائك فتجده نائم و انت لا ابتسم انت فى كلية هندسة

عندما تدفع فى الدروس ما يساوى تمن جهاز عروسة ابتسم انت فى كلية هندسة

عندما تحسب بالجمع دون الطرح مدة تعليمك فتجدها تحقق المعادلات التالية:
مدة تعليمى الاجمالية = مدة التعليم الاساسى + التعليم الجامعى +
التحابيش ------------ -- (1)
و علما بان التعلم الاساسى= التعليم الاساسى + التعليم الثانوى
اذن التعليم الاساسى = التعليم الابتدائى + التعليم الاعدادى + الثانوى ---
----------- (2)
و علما بان التعليم الجامعى = سنوات اكاديمى + سنة امتياز ------------ -
- (3)
و علما بان التحابيش = دبلومة + ماجستير + دكتوراة ------------ -- (4)
و بالتعويض من 2 و 3 و 4 فى 1
اذن
مدة التعليم الاجمالى = الابتدائى+الاعدادى+الثانوى+اكاديمى
جامعى+الامتياز+دبلومة+ماجستير+دكتوراة
مدة التعليم الجمالى = 6+3+3+6+1+2+ 4+4=29 سنة مع الشغل و النفاذ (بفرض
عدم الدبلرة[^o)])
اذن
ابتسم انت فى كلية هندسة

مما سبق نستنتج انك سترى اللحظات التالية فى حياتك:
انت بتدرس و صاحبك اللى ف تجارة خلاص بيشتغل ابتسم انت فى كلية
هندسة

... انت فى الجيش و صاحبك بتاع اداب بيتجوز ابتسم انت فى كلية هندسة...

انت بتبدا حياتك و صاحبك بتاع خدمة اجتماعية اتجوز و خلف 3 عيال و سافر
برة يشتغل و رجع بعد طول غربة ابتسم انت فى كلية هندسة.

عندما تحضر كل السكاشن و تذاكر المحاضرات و تاكل الكتب و بعدين تجيب
جيد نظرا لرخامة دكتور لجنة الشفوى ابتسم انت فى كلية هندسة

عندما يعاملك الدكاترة كانها بتنتقم منك ابتسم انت فى كلية هندسة.

عندما تجد كليتك و سط المصانع بما فيها من آسمنت و تراب و ارف ابتسم
انت فى كلية هندسة.

عندما تجد كليتك معزولة عن باقى الكليات خوفا من انتقال الامراض الى
طلبة الكليات الاخرى ابتسم انت فى كليةهندسة.

عندما لا تجد فى كليتك كافتريا عدلة ابتسم انت فى كلية هندسة.

عندما تكون حفلة الاستقبال فى الكليات الاخرى على انغام الموسيقى و انت
فى حفلتك قاعد جوة المدرج سامع خطبة عريضة لعميد الكلية ابتسم انت فى
كلية هندسة

عندما يصاب الشباب بالصلع فى سنة 3 و البنات بالتجاعيد



ابتسم انت فى كلية الهندسة

الموضوع منقووووول

ايوه احنا هندسه شاذ
ههههههههههههههههه

عندك حق يا ممدوح احنا متدلعين اوى فى الكليه دى
او احنا اللى مدلعين نفسنا
غيرنا تعبانين اوى فى كليتهم
واحمدوا ربنا على كل شئ

طبعا الحمد لله
و شكرا على الردود