حوار بين ابو تريكه و ابو جهل

أبو جهل : عمت مساءا يا أبا تريكة

أبو تريكة : احنا لسه بالنهار يا أبو جهل

أبو جهل : معلش اصلها مضلمه عندى من زمان .. لقد رايتك البارحه وانت تصول وتجول .
( عاريا الا من فانلة وشورت ) وتتراكلون من أجل قطعة من الحجر فما اهيفكم !!

أبو تريكه : امال لو شفت المشجعين والمصايب اللى بيعملوها هتقول ايه ؟

أبو جهل : صحيح احنا كان بنا سفاهه .. يعنى عندك واحد مثلى كنت اصنع اله من العجوى اعبدها ثم اكلها حين اجوع بس مش للدرجه دى

أبو تريكه : انت مشوفتش حاجه يا ابو جهل ناس بتشتم بعضها بالأم ؟ وناس بطلع صوت وحش من منخيرها ( 41 غنة ) ورجاله بشنبات بتتعارك مع بعضها عشان الكورة اللى مش عجباك .. دا حتى لسه واحد مطلق مراته لما عرف انها بتشجع الزمالك

أبو جهل : هناك ما يدور فى شعاب قريش بانكم قد هاجمتم القافلة البيضاء بالسنج والمطاوى فأخذتم عيرها وضربتم اميرها وبطحتم راس بنت اميرها .. هو انتوا فكرين نفسكوا ابرهه؟!

أبو تريكه : اكيد اللى عمل كده قله مندسه . كل واحد فيهم هتلاقيه كان شاربله قدحين من الخمر وحابسله نفسين حشيش سيبك منهم دلوقتى .. قولى انت بس ايه اللى حصلكوا في بدر .. سمعت ان المسلمين ضربوكوا على قفاكم

أبو جهل : لا تذكرنى يا فتى .. لقد ظبطنا المسلمين يومها .. وجلست ابكى قبل ان يجيبوا كرشى كما يبكى عبد الواحد السيد اليوم وهو ينظر الى شبكة مرماه المخرومة من كتر اللي شاله .

أبو تريكة : خلاص ملهاش حل غير ان انتوا تلعبوا مع الزملكوية ما تش واللي يغلب ياخد المركز التالت

أبو جهل : خلاص راحت علينا من زمان ، ... بقولك ايه ياتريكة ما تيجي تلعب في صفوف قريش وأعطيك سُرة من الدنانير وجارية مليحة و11 ناقة ؟؟

ابو تريكة : ليه يا اخويا ؟! انت عاوز وانا بلعب معاكوا قدام الطائف أتـنـتـش سهم ولا حربة تضيع مستقبلي ؟؟ لا ياعم أنا مش مستغنى عن روحى

ابو جهل :اذا عمت مساءا يا ابو توريكة

ابو تريكة : الله معاك يا الغالىطريقك خضرا ومزروعة بانجو سلم على حبايبنا فى قريش يا حبيب قلبى



هههههههههههههههههههههههه

وان شاء الله يعجبكم الحوار

موضوع شغااااااااااااااال
بس هو ابوجهل زملكاوى ولا ايه

طبعا انت متعرفش اللى عمله فى ماتش 6/1

انه حقا موضوع جدير بالمناقشه وانى لسعيد بفتيه عبس وانا اراهم يدا واحدة قدام كل زملكاوى
اثبت يابنى انت وهو فالنص لنا
النص لنـــــــــــــــــــــــــــــــــــــــــــا

اتعلم ان فتيه عبس قد حازوا على الدورى القريشى 12 مره فقد
فى حين ان قبيله بنى هبابه قد حازت على الورى الحبشى 10 مرات