هتسمى ابنك او بنتك ايه لما تبقى تتجوز ؟؟؟؟؟!!!؟؟؟

السلام عليكم ورحمه الله وبركاته


زي ماقريتوا وعرفتو من عنوان الموضوع

انا عايز كل الاعضاء يدخولوا ويقولوا هيسمو اولادهم ايه في المستقبل


طبعا ان كان الموضوع من النوع العادي من البني ادمين لكن لو كان من النوع الغريب


اللي هو بلا خلفه بلا عيال بلا وجع دماغ ..... اقوله خدلك قرصين بنادول وشرف في اي موضوع تاني

غير ده يتفضل معايا


انا هبدأ بنفسي الاول

لو رزقت بولد هسميه.... يوسف لانى بحب الاسم ده جدااا وكفايه انه على اسم سيدنا يوسف عليه وعلى نبينا الكريم افضل صلاة واتم تسليم

اما بقى لو بنت ....... ههههههههه ... هتبقى اسماء رقيقه ورمانسيه لانها بنت اصلا فممكن يكون داليا او هدى اووووووووو نهال والاسماء الجميله كتيره اوووى


بس طبعا لازم هاخد راى المدام فى كدا
البرنسيسة

وانتو بقه هتسموا ايه ؟؟؟؟؟؟؟؟؟؟؟؟؟؟



منقول

لو ربنا كرمنى واتجوزت اصلا ولو ربنا كرمنى اكتر ولحقت اشوف عيالى
ساعتها هسمى نورهان او مها او منار او ندى وده طبعا لو المدام موافقتش على اسم ياسمين
بس لو جبت ولد ولله الامر من قبل ومن بعد فانا هسميه عامر او حسام او ايهاب

sad.love.story كتب:

لو ربنا كرمنى واتجوزت اصلا ولو ربنا كرمنى اكتر ولحقت اشوف عيالى
ساعتها هسمى نورهان او مها او منار او ندى وده طبعا لو المدام موافقتش على اسم ياسمين
بس لو جبت ولد ولله الامر من قبل ومن بعد فانا هسميه عامر او حسام او ايهاب

يا عم ربنا يكرمك ان شاء الله ونشوف عيالك يا ابو حسام

شكرا ليك يا ابو يوسف

انا ناوى لو ربنا كرمنى وخلفت ولد اسميه حسام او خالد
ولو بنت هسميها ياسمين او اسماء

مش ملاحظ انك واخد منى اسمين يا دراجون بك
عموما عادى ده لو جيت على عيل من عيالى هديهولك وانت ماشى يا مااااااااااااااان

اما انا بقى ده لو حصلت المعجزه التى لم و لن تحدث وهى جوازى
سأسمى ان شاء الله
(اياد)/(بوسى-شيرى)
او اى حاجه بس لما تحدث المعجزه لانها لن تحدث

واخد اسمين منك هو انت حاجزهم قبلى يعنى مش فاهم
لو بالحجز انا ممكن اغيرهم



انا بهزر معاك اوعى تكون زعلت

هو انا اقدر ازعل منك يا دراجون باشا ده انت حبيبى من ايام الجيزة
***شكلك كده لسه معرفتنيش***

ليه يا دريمر ان شاء الله هتحصل المعجزة
هو انت ناقصك ايه؟؟
شقه يعنى عندك كشرى سعيد او حتى ابو هانى هتجيب احسن شقه بـ نص جنيه بس
اوعى تقولى بقى الشبكه اى واحد صياد من عند البركه هتاخد منه السمك اللى معاه والشبكه والسناره بـ 10 جنيه
المشكله الحقيقيه فى الفرح ممكن تكون انت مشغول فمش هتقدر تحضره

شكلك فاهم يا نصه قصدى يا نشوان

مين اللى قالك انى نشوان
يا نصه قصدى يا يونس يووووووووووه قصدى يا عبدو

اصل المشكله هو امتى الميعاد
انا محتار اعمله يوم جمعه ولا خميس

انا ان شاء الله لواتجوزت وخلفت هسمى ابنى مهاب ولو بنت جوري

انشاء اللـــــــــــــــــــــــــــــــــــــه

هاسمى عمرو
عمر
حازم
سهى
رفاء
ماندى
موضوع اكتر من رائععععععععععععععع

بما ان اسمي عمرو فلو في ولد ان شاء الله عبد الله او محمد او اسلام
حد يدور على اسم يليق يكون بعده عمرو
لو بنت علا او علياء او منى او هبة او رضوى

لما اتجوز ان شاء الله هسمى ابنى يوسف ولو بنت هسمى الينور

ياجماعه خلونا واقعيين

احنا فين والعيال فين

وبعدين مهما قررتم اسامي الاطفال بتبقى بالاتفاء يعني لسه في رأي شريك حياتك
وممكن انت تقول اسم والطرف التاني يأول اسم ويتسمى باسم تالت خالص


وتقبلو مروري

على فكرة انا متفقة مع nor فى الراى بس ده على اعتبار ان ده اقتراحات مستقبلية ان شاء الله وتاخدى راى شريك حياتك برضه يعن 0.....
بالنسبة لى بحب اوى :-علياء-فاطمة الزهراء -اشرقت -مى -رنا -بسنت -ريم -أسماء -مرام
معاذ-عمر -معتز -حازم -ادهم -رامى -احمد -مازن -عبد الرحمن

بصراحه من اول ما بدا الموضوع وانا نفسى حد يقول هسمى نشوان بس واضح انى هموت وانا لسه مشوفتش حد اسمه نشوان غيرى
ربنا يوفقكم كلكم ويرزقكم بالذريه الصالحه

ولايهمك يابشمهندس انا هسمي ابني نشوان
بصراحه انت اسمك غريب وانا اول ماسمعته بحثت عنه بس بجد مش لايقه ليه معنى ابدا

معنى نشوان (سكران من السعادة الغارمة أو يعني سعيد جدا)
اي خدمة يا نشوان

هم اما بيجو يدلعو نشوان بيقولوله ايه

نشن نشنشن يا نوشة

عذرا نيشو بيه بس انا بجرب ادلعك

على العموم ياجماعه بدات تظهر والحمد لله
بدات تعود الاسماء الاسلاميه الجميله
وهى اسماء صحابه النبى صلى الله عليه وسلم
وهى اسماء لامعه جميله جدا جدا جدا مثل
معاذ-براء-مالك-صهيب-انس-مصعب-مروان ده بالنسبه للولاد
اما البنات مثل بسمله-جنات-جنه-سندس-سهيله

شكرا على دمكم الخفيييييييييييييييييييف خصوصا موستا واحمد مرتضى
بصراحه خفه ما بعدها خفه
يا خرااااااااااااااشى هفرقع من الغيظ منكم وانا مبحبش حد يدلعنى يا احمد لان الدلع مش لينا
وشكرا ليكى يا باشمهندسه ميرو