الصداقه بين الولد والبنت, انت ايه رأيك؟

ماشى يا حمادة
تشرفنا بمعرفتك
ويارب كده المنتدى يعجبك وتكون من الاعضاء المساهمين فيه بشكل فعال

ان شاء الله
بس انا بردو متشرفتش باسمك

اه انا اسف
افتكرتك عرفتنى
انا نشوان ايمن
وطبعا نشوان مالوش دلع
واسف مره تانيه ع التاخير فى الرد

انا عايزة اقول رأيى اللى يمكن ما يعجبش ناس كتير
بس انا شايفة ان فى صداقة بين البنت و الولد وانا اقصد الصداقة مش الزمالة
و مش شرط ان اى صداقة بين الجنسين انها تقلب بحب لما تكون الصداقة بين اكتر من ولد و اكتر من بنت يعنى جروب مش لازم ان الموضوع يقلب بحب وكمان مش سهل ان اى حد فيهم يتفهم غلط
و ساعتها بيبقى التعامل زى الاخوات
اكيد بيبقى فى حاجات بتحتاج البنت فيها لرأى الولد و نصيحته وكمان الولد اوقات بيحتاج لرأى البنت
و مع احترامى لناس كتير انا مش باقتنع بحوار الكشكول والبنت تروح لولد يشرحلها و تقول بفهم منه اصل الدفعة مليانة بنات و العكس للولد

و ياريت تتقبلوا مرورى

ده رأى انا موافق عليه
لان شايف ان ده الطبيعى

شكراً على ردك يا توتى ورأيك يا محمد ......

بس أنا شايف إن الصداقه موجوده زى منتى بتقولى يا توتى بس فى حدود تفرق بين صداقه الولد بالبنت .... يعنى الصداقه بعيده عن الهزار بينهم أو يكون الهزار خفيف يعنى مش هئ ومئ .... يعنى هم محارم لهم

هتبقى صداقة محترمة حتى لو فى هزار و ضحك هتبقى بأدب و مختلفة تماما عن صداقة الجنس الواحد
و اكيد ما ينفعش يبقى فيها الهئ و المئ و المسخرة دى
عشان ده ضد ادب البنت و حيائها اللى يعتبروا اهم حاجة فى حياتها

كده أنا أتفق معاكى

طيب الحمد لله

وانا كمان اتفق معاكي

كويس جدا

انا اكيد معاكي يا توتي

فعلا ده احسن راى
راى نوتى توتى
انا اتفق معاكى تماماااااااااااااااا

طيب الحمد لله انكوا اقتنعتوا برأيى

هو انا برده معاكي يا توتي في كل حاجه ماعدا حاجه صغيره
مش دايما الكشاكيل والمحاضرات بتبقى حجج فارغه والله اعلم بظروف الي بيطلب ده فالاحسن اننا من ما نعممش الراي الوحش وسوء الظن

والله بلاك انجل بتقول كلام زى الفل

كلامك جميل يا انجل
بس فى معظم الاحيان بيكون الكشكول حجة للتعامل اصل اللى هياخد الكشكول و مش ناوى يتعامل تانى
( يعنى فى حدود الكشكول ) مش محتاج يدور على كشكول من الجنس الاخر
مايشوف له كشكول حد من اصحابه او لو مش من اصحابه يبقى من جنسه
اصل الشاطرين مش اولاد بس او بنات بس

طيب كلامك صح بس انتي لو كنت مواظبه ع الحضور وكل حاجه وعارفه ان مثلا اي ولد بيكتب باسلوب كويس وكده هتبقي عايزه الكشكول ده والله اعلم في ناش بتبقى عايزه تقفل المواد وشليفه انها تاخد الكشكول من التوب بتاع البنات وبتاع الولاد وتجمع المعلومات من كل الكشاكيل بس ده ما يمنعش ان في ناس بتاخد الكشاكيل حجج فارغه بس مش كل الناس فمينفعش ان انتي تتعاملي ع اساس ان اي حد بيطلب
الكشكول قصده مش كويس

معاكى حق
بس مش دايما اصل شوفى فيه كام واحد فى الدفعة نفسه يقفل المواد وبيجمع المعلومات من كام مصدر
يعنى هما كل اللى بيطلب منهم الكشاكيل بيبقوا التوب
دول اوقات بيبقوا كاتبين غلط وانتى عارفة
و دى مش القاعدة

اه بلاك معاها حق
وتقريبا او غالينا اللى يروح ياخذ كشكول من بنت ده غالبا علشان يتعرف عليها لانه عنده اصحابه صح ياحذ منهم
بس بصراحه الله اعلم طبعا

والله انا من رأيي الزمالة افضل
وبعض من الصداقة بس علي خفيف

بس تعليق بسيط علي حوار الكشكول
من الاخر البنات بيكتبوا بضمير انا لغاية دلوقتي مفيش ولد الله اكبر يعني
كاتب كل حاجة بتتقال بس طبعا في ناس بتستغل الكشكول حجة للتعارف

فعلا شرابى عنده حق
مفيش ولد خطه حلو اطلاقا
انما البنات بتلاقيهم كاتبين بالوان وبخط جميل وكشكول منظم

بس اوقات لو واحد معجب بواحده بيبقى عايز يفتح سكه كلام فبيبقى عن طريق الدراسه والكشكول بس مش شرط
ان بعض الظن اثم

طيب ما انا بقول كده ان في ساعات ناس بتطر تاخد الكشكول من الجنس الاخر
وانا ماقولتش ان على طول نيتهم صافيه بس مينفعش ناخد دول بذنب دول

انا بصراحه بختلف معاكم
مينفعش يكون في صداقه بين ولد وبنت خالص
لكن الواقع بيحتم الاختلاط
لكن مينفعش يكون اصحاب
في ممكن زماله
انما لو في صداقه
هل ينفع ان واحده فيكم تبقي متجوزه واحد وليها اصحاب ولاد؟
طبعا السؤال دا مش قصدي منه انك تكون متجوزه او لا
بس اللي اقصده ان المفروض اللي يمشي عليك دلوقتي يمشي بعدين
وانا عن نفسي مينفعش ارتبط بواحده ليها اصحاب ولاد عادي كده
وغير دا كله الدين بيقول ايه؟
انا مش هفتي
بس اللي اعرفه ان المعامله بين الولد والبنت بحدود
دا رأيي