حماده اوف لاين

حماده المشهور بحمادة offline شاب من بتوع اليومين دول قرر يتجوز وحصل اللي حصل :

حماده:ازيك ياعمي انا حماده offline ابن طنط فكيهه go away ....
محروس ال forward : أهلا وسخسخ يابني خير إن شاء الله ..
حماده : انا ياعمي عاوز ابعتلك فايل وتعمل أكسبت عشان أطلب فيه أيد بنتك "ايموشن مكسوف"
محروس ال forward : الحقيقه إنت فاجئتني يابني بس ع العموم كلمني عن نفسك .. حياتك..تعليمك..ضايف مين ع الاكونت بتاعك ع الفيس بوك.....
حماده : انا ياعمي خريج كليه الانترنت قسم شات ودردشة أنا حياتي كلها ذكريات اتولدت يوم ماخترعوا الانترنت وأول حقنه عضل آخدها كانت يوم مافتحوا الicq خلصت ابتدائية يوم ماعملوا الماسنجر وخدت إعفا من الجيش يوم ما شريط رامي صبري أتسرب ....

في هذه اللحظة تدخل العروس وفي يدها كاسات الشربات عليها علامة جوجل فمنذ ان بدأت جوجل في الانتشار قررت الست والدتها وضع كل شئ في فناجين جوجل وحلل جوجل وأطشات جوجل بحيث لو اتزنقت في مسحوق وهي بتغسل سهل جدا تدور عليه علي جوجل وتلاقيه وأكيد هيبقي ببلاش!

حماده : ايموشن قلوب تغطي المكان ولا كأنها سجاير ملوبورو ملفوفة...
تنظر له "التوربيني بتاعة الشات" كما يطلق عليها أصدقائها المقربين من تحت لتحت كعاده البنات وتلاحظ أن شاربه غير متساوي فتعمل زوووم وتكتشف أنه ليس شارب دي بشلة في وشة..

بنوته مقطقطة : ماما عاوزاك جوه يابابا حاول ت Pingعليها كدا شوف إذا كانت عاوزه حاجة ؟
محروس ال forward: حااااااااااضر Isa معلش ياعريس Brb ..
بنوته مقطقطة : إقبل الشربات اللي أنا هبعتهولك ده ..
حماده : طب ماتكبيه علي البنطلون وتاخديني معاكي أغيره والنبي !
بنوته مقطقطة : خلص انت بس مع بابا وهبقي قاعدين سوا طول العمر في نفس البلوج .. وياريت ياحماده متتخنقش من طلبات بابا سهلها عشان كدا نلحق نضيف كام contact مقطقطين كدا في حياتنا نلعب بيهم قبل مانكبر .
حماده : إنتي تأمريني ياحياتي ... طيب بس أقعدي معايا شويه
بنوته مقطقطة : لا مقدرش I gtg ....

محروس ال forward : ايوة ياستي عاوزة ايه مش شايفاني قاعد مع الراجل ؟
معلش اصلنا عاوزين نسمع اللي بيتقال بقولك ايه ماتفتح المايك !
محروس ال forward : يالهوز ع الستات دول يموتوا لو مسمعوش أخبارهم وأخبار الجيران . طيب ياستي أمري لله بس داروا نفسكم شويه ومتكبريش الفونت أكتر من كدا للراجل ياخد باله منكم ..


بنوته مقطقطة : مش كان واجب برده ياماما بابا يعمل add لخالو في الconversation دي؟
بقولك ايه ابوكي حر وبعدين ماهو ساب لخالك اوف لاين مسج مع العقربه مراته ولا حتي عبرنا
بنوته مقطقطة : علي رأيك يعني لو كان جه كان عمل إيه "اللي خدته القرعه تاخده أم شعر"..

حماده : انا ياعمي بقالي فتره بعمل سيرش في حياتي علي الانسانه الي ممكن تكمل معايا حياتها قلبت البلوجات والمنتديات والمامه بتاعه الأنا جابتلي مما تشتهي الأنفس الطويله والقصيره التخينه والرفيعه المظبوطة والمكعبرة العاقله والمشهيصة بس بنتك ياعمي ونعم الاخلاق والتربيه إحنا بنشات بقالنا فتره كبيره وكل الايموشن اللي بتبعتها تدل علي كدا تخيل إنها مفتحتش الكام غير لما وعدتها بالجواز؟؟!!!
محروس ال forward : أي نعم ! انا بنتي مربيها ع الاخلاق والفضيلة ومتآمنش لميل غريب ألا سؤال اعتراضي كدا هو انت وعدتها امتي بالجواز؟؟
حماده : من تلات سنين بس !!
محروس الforward ينزل رجله اللي كان حاططها في وش حماده ويتنحنح وينادي لابنته محاولا تتويه الموضوع
يابنت قولي للست والدتك تعمل الstatus بتاعتنا out to launch قوم ياعريس يلا ...
حماده : لا متشكر ياعمي انا لسه ضارب شاورمه وحاسس اني عاوز أهوهو من ساعتها والله .

محروس ال forward :طيب أحسن وفرت ! حيث كدا بقي نتكلم في المهم !
محروس الforward :هتصرف عليها منين "ابو العروسه أيموشن غلاسه"؟؟؟
حماده : أنا بابا عنده شركه شحن ..
محروس ال forward : ماشاء الله شحن وعربيات وكدا كويس كويس .
لأ ياعمي مش شحن عربيات شحن كروت .. بصراحه هي مش شركه قوي هي محل كدا بتاع موبايلات أقولك هو بصراحه مش محل قوي هو كشك في عزبة أبو قردان بتاع كروت وشواحن مضروبة...

محروس ال forward : مممم طيب عندك شقة ؟؟؟
حماده : بص ياعمي الكدب ملوش مناخير أنا السنه اللي فاتت خدت جايزة كبيرة اسمها "ملكش لازمة" بمناسبه إني أكتر انسان معمول له بلوك ع الهوتميل وبالقرشين بتوع الجايزة قدرت آخد بيهم روم كدا خاص بس في "ياهو سيتي" الي علي أول أكتوبر قصدي اللي علي أول إكسبلورر انت عارف ياعمي أنا الود ودي اخدلها شقه ع الميل علطول الي جمب ماسبيرو ده بس انت عارف الباندويدث بتاعتي متسمحش ..

محروس ال forward :والفرح ان شاء الله هتعمله فين؟؟
حماده :لا كله الا ده ياعمي انا هعملها فرح محصلش هعملها كونفرنس ع الياهو وكل الناس تحضره وهجبلها الفين كونتاكت من عندي ع الميل يعملولها buzz في الزفة ...

محروس ال forward :علي خيره الله يبقي نقري الفاتحه
حماده : لا ياعمي استني ممكن نكتبها ونسيفها علي ملف وورد عشان أوريها لأصحابي !!!


يارب تعجبكم


Abdo younis

انا اجلت الضحكه لما اشوفك
اختصر من موضوع التعبير ده

يعنى انتوا وراكوا ايه
اقروا وحطوا الرد وامشوا

كركركركركر

بجد موضوع حلو بس ننكم تقبل النصيحة بانك تقسم المواضيع
وشكرا