(اول قصه حب)

موضوع: (اول قصه حب) الخميس أبريل 30, 2009 12:52 am

انا كنت ماشى واليوم كان باين عليه زى اللى فات بالظبط ولسه مستعد بقى لطقم الملل اللى هلاقيه بمجرد ما اقفل باب الشقه واخرج للعالم اللى بقيت حافظه زى نمرة تليفونى
المهم مفيش خمس ثوانى ولاقيت اليوم خيب ظنى لانى شوفت بنت هى مش جميله زى نانسى ولا حاجه بس اكيد هى مش زى اى بنت شوفتها لان ببساطه من ساعة ما عينى ما وقعت عليها وانا مبقتش عايز اشوف اى حاجه غيرها ونسيت كل حاجه حتى انى نسيت انزل قدام باب الكليه وكملت لحد ما هى نزلت وانا طبعا وراها...........
بس انا مش عارف انا عايز منها ايه وبصراحه حسيت ان شكلى بقى وحش اوى فقولت انا لازم ارجع لحسن المحاضره تروح عليا ويبقى لا طولت عنب ولا جوافه
وانا راجع مش عارف ليه مش لاقى لا عربيات ولا حتى تاكسى واتخنقت لانى لا انا اللى كملت ورا صاحبتنا ولا اللى روحت الكليه
وفجأه لاقيت تاكسى ولأول مره افرح لما اركب تاكسى وقولت خلاص هالحق الدكتور (.....) و أول ما وقف التاكسى روحتله بس سمعت صوت حد ماشى ورايا بس مخدتش فى بالى
وشويه وبصيت ورايا ومصدقتش عينى ...................... دى جايه عليا معقول تكون هتكلمنى مش معقول ...
وشويه ولاقيتها بتقولى هو حضرتك اللى وقفت التاكسى
قولتلها اه
قالتلى انا اسفه اصلى شاورت وافتكرته وقف ليا
قولتها عادى يا انسه اركبى انتى انا ممكن استنى لانى صعب انك تلاقى تاكسى دلوقتى
قالتلى لا عادى كده كده المحاضره مش هلحقها
قولتلها انا كمان رايح الجامعه انتى لو مستعجله ممكن تركبى ورا لو حبيتى
المهم خمس دقايق ووصلنا وبصراحه عينى منزلتش من عليها وعمال ابص عليها فى المرايه
وطبعا انا اللى حاسبت وهى صممت انها تدفع
قولتلها انا اللى وقفت التاكسى يبقى انا اللى المفروض احاسبه وبعدين ما يصحش
قالتلى مش هينفع بجد لازم تاخد الفلوس
مدت ايديها ليا فانا اتكسفت اخد منها فلوس
بس لما لاقيتها مصممه خدت منها نص الفلوس وقولتلها اظن ده العدل
بصيتلى شويه وسكتت وقالتلى شكرا
قولتلها العفو وانا بصراحه كنت واقف زى المسحور
ودخلت الجامعه وانا سرحااااان ومخدتش بالى من اصحابى اللى سلموا عليا مهو انا كنت فى عالم تانى
واول ما دخلت المبنى اللى فيه المدرج قولت اركز شويه بقى بس...
مش عارف اول مره احس انى محظوظ
انا شوفتها وللمره التالته فى نفس اليوم وكمان شكلها جايه عليا
هى : انت معايا فى كليه ............
انا : اه بس انا اول مره اشوفك
هى : انا كمان اول مره اشوفك
انا : هو مفيش محاضره ولا ايه
هى : الدكتور مش هيدخّل حد بعده
انا : يعنى المحاضره ضاعت والحمد لله
هى : معلش تتعوض فى غيرها
وسكتنا شويه .. وبعد كده قولتلها:هو انا ممكن اسالك سؤال؟
قالتلى: اشمعنا
بصراحه كان نفسى الارض تنشق وتبلعنى
بس مفيش ثوانى وقالتلى : يعنى ماسألتش
قولتلها : انتى مقولتيش اسأل
ضحكت وقالتلى : اسأل
قولتلها : هو انتى اسمك ايه؟
رفعت حواجبها فى اسغراب وسكتت شويه
وقالتلى: انته جرئ شويه بس قبل ما اجاوبك انته ايه اللى مخليك تفتكر انى ممكن اقولك على اسمى
قولتلها : مش عارف وانتى ممكن متجاوبيش عادى
قالتلى : اه انا متصوره ايه اللى هيحصل لو ماجوبتش انت هتحاول تعرف اسمى من اى حد يعرفنى
قولتلها : مش للدرجه بس انا مسيرى هعرفه
قالتلى : يا سلام!!!!
بصيت فى عينيها وفضلت ساكت
قولتلها : انتى بتحرجينى كل شويه كده ليه
قالتلى : انا مش قصدى احرجك ولا حاجه وانا لو عايزه احرجك كنت استاذنت ومشيت من بدرى
ضحكت
قالتلى : بتضحك على ايه؟
قولتلها : اكلمك بصراحه
قالتلى : ياريت والله
قولتلها : انا مش عارف انا النهارده كانت اول مره اشوفك و اول مره اتشد لحد بالشكل ده وكمان اول مره اركب فيها تاكسى مع حد معرفوش
قالتلى : وكمان اول مره متحضرش المحاضره
ضحكت وقولتها شوفتى وكمان اول مره انسى
قالتلى: والمفروض ان انا السبب
قولتلها: بصراحه اه وانا بجد مش عارف افسر اللى انا فيه غير انى معجب بيكى
سكتت
قولتلها: ايه انا بقولك معجب ولسه مقولتش انى بحبك
بصتلى باستغراب للمره التانيه
قولتلها: قصدى انى بقولك انى معجب بيكى ومقولتش انى بحبك
قالتلى: خلاص كده
قولتلها: اه انا اسف انى عطلتك ومدام كلامى زعلك ياريت تنسى انى قولته اصلا و.....
قالتلى : انته ايه اللى بيخليك تقول كده
قولتلها: اكيد من طريقه كلامك انا عارف انى كلامى مش منطقى بس ده اللى حسيت بيه وعلشان انا مبعرفش الف وادور قولت اللى جوايا على طول
قالتلى : وانا احترمت فيك صراحتك بس...
قولتلها: بس ايه؟
قالتلى: انا مش عايزاك تفهمنى غلط لكن الحقيقه انى
بصيت ليها وانا فاكر انها هتقولى انها مبتفكرش فى الكلام ده او اى حاجه زى كده
قالتلى : الحقيقه انى مخطوبه لابن عمى و....
قولتلها : انا اسف بجد انا اسف وانا لما ملقيتش دبله فى ايدك متوقعتش انك تكونى مرتبطه...
قالتلى : بالعكس انا اللى اسفه وصدقنى انا بجد حسيت بحاجه نحيتك بردو من اول مره شوفتك بس كنت حاسه ...
قولتلها: النصيب انا اول مره .....
اول مره اكون عايز اقرب من حد بالشكل ده بس نصيبى كده ومحدش عارف بكره فيه ايه
قالتلى: معاك حق
وسكت شويه وانا ببص فى عيونها وبقول فى نفسى ليه مشوفتهاش غير النهارده وملقيتش اجابه لسؤالى غير كلمه النصيب
وقولتها : انا مضطر امشى عن اذنك
قالتلى : مع السلامه ,وفى عيونها دمعه ,فمشيت بسرعه قبل ماشوف دمعتها قدامى
وانا ماشى فى الطريق كررت الكلمه الوحيده اللى كانت شاغله تفكيرى
ضحكت وانا بقول لنفسى ياه على النصيب بقى اول مره احس بلهفه وتبتدى اول قصه حب اكون انا بطلها نصيبى يحكم عليا انها تنتهى بعد ساعه واحده بس من بدايتها ومن غير حتى ما اعرف اسم البطله وبصيت فى ايدى ولاقيت الفلوس اللى انا خدتها منها وضحكت وقولت هو ده اللى باقيلى من اول قصه احب اعيشها

موضوع: رد: (اول قصه حب) الخميس أبريل 30, 2009 1:50 am

الله الله الله

ايه الجمال ده ياعم روميو

بصراحة قصة جميلة جدا وشدتني جدا كمان

لو انت اللي كاتبها فلك مني كل التقدير والاحترام والاعجاب

اما لوكنت ناقلها فلك مني ايضا التقدير لحس ذوقك في انتقاء المواضيع

جميلة الى الامام يا صديقي

موضوع: رد: (اول قصه حب) الخميس أبريل 30, 2009 5:44 am

بصراحه انا اللى كاتبها يا احمد
وشكرا على ذوقك

موضوع: رد: (اول قصه حب) الخميس أبريل 30, 2009 2:38 pm

ايييييييييييه الجمال ده

دى اجما قصة حب سمعتهااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا
100000000000000000000000000000000000000000000000000000000
شكررررررررررررررررررررررررررررا

موضوع: رد: (اول قصه حب) الخميس أبريل 30, 2009 4:19 pm

شكرا على ذوقك يا برنسيسه

موضوع: رد: (اول قصه حب) الجمعة مايو 01, 2009 2:57 am

بجد رائعه
بس اللي يوجع القلب انه ماحصلش نصيب بينهم وخصوصا انهم قابيلن بعض
بس هنقول ايه دى الدنيا

موضوع: رد: (اول قصه حب) الجمعة مايو 01, 2009 3:03 am

صراحة انا مش عارف اقولك ايه
مش لاقى كلام اقول ليك
بس فعلا قصة حلوة

موضوع: رد: (اول قصه حب) الجمعة مايو 01, 2009 3:06 am

شكرا للباشمهندسه ميرو والحج ابو صلاح حبيبى الغالى اللى نورنا برجوعه
وفعلا زى ما قولتى هيا الدنيا كده

موضوع: رد: (اول قصه حب) الأحد مايو 03, 2009 5:58 am

ايه يا برنس
مش قلتلك انك نشوان العاطفى

موضوع: رد: (اول قصه حب) الأحد مايو 03, 2009 11:06 pm

ماشى يا عم عبدو
بس بقولك ايه هو فين الجمل اللى المفروض تكون راكبه فى الصوره؟
ايه عنده مشوار فمشى وسابك يا عينى

موضوع: رد: (اول قصه حب) الخميس مايو 07, 2009 6:22 pm

يا كبير يا كبير وربنا كبير والكبير كبير ههههههههههه تحفه معماريه سورى قصدى عاطفيه يا لذيذ يا رايق صبح صبح يا عم الحج طب ياراجل عيب عليك شوف نعرف بعض من امتا وكل يوم فى وش بعض من ايام الثانويه ومش فكرت تقولنا واحده من دول الظاهر انك كنت مستخسرهم فينا بقى ولا ايه نمس على العموم بجد جميله اوووووووووى اخترت فأحسنت اختيارك

موضوع: رد: (اول قصه حب) الأحد مايو 10, 2009 9:30 pm

عيب عليك انا مش هستخسر فيك حياتى وربك اللى يعلم يا .....
شوفت كنت هقول على اسمك
وانا فرحان اوى انها عجبتك

ربنا يخليك يا معلم تصدق انى بقيت اقراها وكل ما اشوف واحد جميى اقوله استنى اسمعك قصه حلوه اصلها بجد جميله وعجبانى اوووووووى يا مسهل ب هات غيرها بقى مش مره وهنسكت

حلوة اوي
بجد تسلم ايدك
واجمل ما عجبني فيها نهايتها مختلفة عن قصص الحب التقليدية

موضوع: رد: (اول قصه حب) الجمعة يونيو 19, 2009 2:22 am

شكرا لذوقك يا كيوبيد

موضوع: رد: (اول قصه حب) الجمعة يونيو 19, 2009 9:08 am

جامد يا مان

موضوع: رد: (اول قصه حب) السبت يونيو 20, 2009 4:25 am

شكرا ليك يا باشا

نصيحه ليك يا بش مهندس سيب الهندسه وخليك فى الكتابه بلا هندسه بلا وجع قلب يعنى اللى دخلوا هندسه عاملوا ايه وعموما القصه حلوه اواى وattracative انت لو كتبت قصص هتبقى اشهر من اجاثا كراستى

والله من الاخر
شدتني والله انا كمان
بس زعلت ف الاخر
بس بجد جميلة أوووى
شكرا ليك عليها والله
سلاموز أنا

متشكر بجد على ردك يا باشمهندسه والف شكر على مرورك يا سيزار

ممكن اسألك اذا كانت القصة دي حصلت معاك فعلا او مع حد تعرفه ولا انت كاتبها من دماغك ؟

انا مش بشكك فيك بس مجرد سؤال يعني

لا القصه من دمااااااااااااااغى
ومفيش غير حته صغيره هى اللى حقيقيه
وهى انى شوفت بنت عجبتنى وبس
بس ليه السؤال ده هو انت حصل معاك موقف مشابه

لا محصلش بس القصة حسيت انها محكية بطريقة يعني زي ماتقول كدة ( زي الكتاب مابيقول ) فقلت يعني ممكن تكون حصلت مع حد تعرفه يعني عشان تحكيها بالاسلوب الحلو ده

انا بردو افتكرت القصة دى حقيقية اصلها جميلة جدا

لا والله هى خيالى
وشكرا على مجاملتك الجميله
والف شكر ليكى يا برنسس على زوقك