يوميات اعدادي 2009الجزء التاني

۩ استني متمشيش أنا يوسف اللي بكتب يومياتي ۩

المرة اللي فاتت قولتلكوا إن أنا لبست واتشيكت ونزلت عشان أروح الكلية ولأول مره في حياتي أتجرأ واركب تاكسي متتخيلوش السعادة اللي كنت حاسس بيها علي فكره كان لازم اركب تاكسي عشان أسباب كتيرة منها الهدوم اللي كويتها وعشان الهيبة بردو والاهم عشان البنات اللي منتظراني مهو مش أي أي ولا زى زى المهم لقيت السواق بيقولي"احناوصلنا انته مش نازل ولا إيه"ونزلت واتبقي معايا 11جنيه وفجأة وأنا داخل لقيتهم بيوقفوني مش عارف ليه وسمعت واحد منهم بيقولى كارنيهك وقعدت أدور ف دماغي في كل المواد اللي خدناها زمان عن أي حاجه فيها كارنيه مش لاقي طب اعمل إيه دلوقتي لكن الحمد لله الراجل طلع طيب ورضي يدخلني بعد مفتشنى مش مهم اللي حصل المهم إني دخلت. كانت انكسرت رجلي ولا دخلت محدش قالي إن أنا هيجرالي كده.منه لله الراجل اللي دخلني.

وأخيرا عبرت البوابة وظبط ياقةال T-shirt وعرفت إحنا هناخد المحاضرات فين ورحت وقعدت ف المدرج ولقيت المدرج شكله غريب مش زى ما أنا كنت متخيل البنات كانوا لابسين حاجات عجيبة تقولوش إحنا ف فرح والحق يتقال إن إحنا كمان كنا عاملين البدع .اللي موقف شعرتينه واللي منيمهم واللي مقعدهم ف المدرج واللي موقفهم ف صف وكأننا مش قادرين إلا علي شوية الشعر دول اما الناس التانيه بقي طرح وشنط اللي كبير واللي صغير ده غير الشخاليل اللي ف دراع كل آنسه عرفت بعدين من زميل إن اسمها إكسسوارات والمصيبة الكبيرة انه في ناس لابسه كعب ساعتها إتاكدت اننا في عرض أزياء.

ومره واحده …… دخل علينا راجل هيبة والذكاء بيفط من عينيه قولت يمكن جاي غلط ولا يكون تايه.الراجل ده قعد يكتب ويكتب وأنا زى طور الله ف برسيمه.مش فاهم يادي النيلة الراجل ده شكله كان ضارب فول ع الصبح لأ واللي يغيظك انه قعد يحكيلنا عن مشوارنا مع الصفر¤¤ وازاي نجيبه لدرجة إن أنا شكيت إن الصفر ده حاجه حلوه يلا أهي أيام وعدت ده بالنسبة للناس اللي ربنا نجاهم من غرق ااﻌﺒ ا ره "السنة دي 2009"لكن أنا الدكتور اختارني طبعا عشان أنا عبقري إني أشرفه في المدرج السنة اللي جايه.بس أنا بحب الدكتور رامي والله الدكتور ده عظيم بس ناقصله طربوش ويبقي سعد باشا زغزوغ فعلا قام من قبره .اما عم حجازي حالته تصعب ع الكافر تحس انه كان دكتور بس سعد باشا ظلمه وعينه من ضمن الفواعليه .والله حرام اللي عملوه فينا أنا ببقي ماشي مش ناضر الطريق دفعنا دم قلبنا ف الكتب ومحاضرات كتبنا وصورنا اللي كتبناه عشان نحس اننا مش بنلعب واللي ناقص جبناه واتذللنا ع اللي يسوي واللي ميسواش وكورسات خدنا وسهر سهرنا وضيعنا فلوسنا ع القهوة والمناديل ."مش بذمتكوا أيام ثانوي كانت احلي كنا في الفسحة بنهزر ونلعب كوره وضاربينها دماغ" فين الدماغ وفين الكوره.

حسبي الله ونعم الوكيل.

عايزين تعرفوا باقي الذكريات استنوا المرة اللي جايه مع: إعدادي 2009