كيف تعرف انك تشاهد فلم عربى

عندما يكون البطل مريضا وتقدم لة البطلة حبة الدواء مع كوب ماء
وبعد ان يبتلعها وتسأله البطلة فورا ** ها عامل اية دلوقتي ؟
المفاجأة انه يرد عليها الحمد لله بقيت احسن
(كدة بالسهولة دي هو واخد حبة البركة ولا ايه )
------------ --------- -------

عندما يصل البوليس الي موقع الجريمة دون ان يبلغه احد
( تقريبا المخرج هو اللي بلغ علشان يصور اومال هيصور ايه )
------------ --------- --------

عندما يصاحب مشهد التغرير بالبطلة لقطات الامطار الغزيرة والبرق
والرعد والشباك الذي ينفتح بقوة علي مصراعيه
( وتلاقي البطلة في الفيلم مصيفه )
------------ --------- --------

عندما تقول البطله للبطل انها حامل فيرد البطل على طول اللي في بطنك ده لازم ينزل )
( غالبا بيكون يوسف شعبان )
------------ --------- --------

عندما تفاجئ باغنيه مالها أي دخل في نص الفيلم ( .....................لك ان تتخيل ..................... )
------------ --------- --------

عندما يكون من المستحيل ان تجد الهاتف مشغول
------------ --------- --------

العبارة الساذجة الشهيرة التلي تصاحب مشهد القبض علي المجرم
( مفيش جريمة كاملة وانت فاكر انك هتهرب من البوليس بعملتك دي )
------------ --------- --------

عندما يسكر البطل فتجدة يصب كوب ممتلئ علي اخره
( بيسكر بعصير قصب )
------------ --------- --------

عندما يخرج الطبيب من غرفة العمليات يردد جملة من ثلاث جمل
( اضطرينا نضحي بالجنين ) ( شدو حيلكوا يا جماعه ) ( العمليه نجحت بس
مش هتقدروا تشوفوه دلوقتي )
------------ --------- --------

عندما يجلس البطل والبطله في نفس الكازينو حق كل فيلم .. ويطلبوا نفس العصير اللي في كل الافلام

( تانج او ميراندا )

ويخلص المشهد من غير ما حد يشرب حاجة علشان ( هيتصور بالمشاريب دى فيلم تاني )
------------ --------- --------

عندما يصاب البطل بطلق ناري في قلبه وتنزف الدماء من بطنه زي صلصلة
الطماط ويظل يتحدث بطلاقه وتركيز لمدة خمس دقائق

يقوم خلالها بفك لغز الفيلم والاعلان عن القاتل الحقيقي او البطل يبقي ابن مين
------------ --------- --------

عندما تسمع صرير احتكاك كفرات ( العربيات ) اللي تطارد بعض
------------ --------- --------

عندما تتناول الابنة الفطار وهيا واقفة وتاخد لقم سريعة فتقولها
الوالدة ( ما تفطري يابنتي كويس )

تقولها ( لا علشان الحأ المحاضرة) وتبوسها وتمشي .. فتنظر الوالدة الي
الوالد ويبدأن في الدعاء
------------ --------- --------

عندما تغير حرب اكتوبر اخلاق كل المنحرفين الموظف المرتشي والجاره
اللعوب والبلطجي والمجرم بطبعه
------------ --------- --------

عندما تجد مقر العصابة ملئ بالقش والبراميل الخشبية التي تستخدم لاحقا في الخناقة
------------ --------- --------

و يجعله عامر ..

عندما يصاب البطل بطلق ناري في قلبه وتنزف الدماء من بطنه زي صلصلة
الطماط ويظل يتحدث بطلاقه وتركيز لمدة خمس دقائق

يقوم خلالها بفك لغز الفيلم والاعلان عن القاتل الحقيقي او البطل يبقي ابن مين
طيب انا عايز افهم انت عايز المخرج ازاى يحل لغزالفيلم
من غيرالبطل ما يتكلم
ههههههههههههههه
والف شكر على الموضوع الحلو اوى

ههههههههههه

ما هى دى الخدعه

عندما يطعن السقا أكثر من مره ويكون مثل الصفايا من كثره الرصاص ومع ذلك يحمل البطله فى نهايه الفلم ثم فى النهايه يموت (إبراهيم الأبيض)

هو ده الفلم المصرى

ههههههههههههههه

وكمان كان مضروب بالنبابيت على دماغه وجسمه كله احمر من كتر الدم

وبعد ده كله لسه فى صحه انه يشيل حبيبته

يا سلام على التضحيه
ههههههههه

» كيف تعرف انك تشاهد فيلم عربى!!!!!!!!
» عايز تعرف انك فى فيلم عربى؟ تعالى وانا اقولك
» ذكاء عربى....وغباء الأمريكى
» امتحان الثانويه العامه (عربى)
» ازاى تعرف المهندس؟؟