فاكرة اليوم ده (سؤال للبنات بس)

طبعا طبعا.... كلنا فاكرين اليوم ده محدش هينساه ابدا ابدا.... اول يوم لبستيه... فاكرة اد ايه كنتي متوترة... ومترقبة راي الناس

انا عن نفسي عمري مهنسي اليوم ده.... واكيد انتي كمان مش ناسياه....
اول مرة....
لبستي الحجاب

بجد شعور مايتوصفش ع اد مالواحد بيبقي فرحان طبعا انه اطاع ربنا.... بس بيبقي في توتر مش طبيعي

ياريت كل بنت تكتبتلنا عن ذكريات اليوم ده
كان يوم ايه؟ كنتي لابسة ايه؟ ايه انطباع الناس عنك؟ كدة يعني.....

بجد موضوع جميل جدااااااااااااااااااااااااااااااااااااااااا
و كان يوم جميل اوى و كنا كلنا فرحانين
و انا كنت فرحانة
شكرررررررررا موضوع قيم جدااااااااااااااااااااااااااااااااااااااااا

اولا :-موضوع حلو جدا وجديد اووووى
ثانيا :-انا اول مرة لبسته كان من نفسى يعنى محدش قاللى عليه بس ماما كانت مبسوطة بيا اوى وبابا كمان لانهم اول ناس شافونى بيه
ورحت بيه المدرسة فى اولى اعدادى اصحابى ملاحظوش اوى لان معظمهم كان يلبسه شوية ويقلعه شوية يعنى يوم كده ويوم كده بس هى كانت حاجة جديدة
عليا بس صممت البسه واربطه لوحدى وسبحان الله اتظبط بس ماما كانت بتضحك ومش مصدقة بقى انى هلبسه وحاسه انى كبرت وكده يعنى
وبعدين مكنتش مستقرة اوى عليه لحد موصلت لتانية اعدادى وثيت عليه ومقلعتوش بعديها تانى بس كانت حاجة حلوة جداااااااااااا
وحسيت انى قربت من ربنا وواظبت على الصلاة اكتر وكمان حسيت ان ربنا مش هيزعل منى
ههههههههههه يعنى على قد تفكيرى بقى
معلش على الاطالة بس هو كان حدث جديد وجميل وانا فاكراه كويس اوى

الحجاب شرع ربنا واتمنى من كل البنات تلبسه وتنبسط بيه لانه سترة لكل البنات ويحفظهم من النظرات الخبيثة