اعترفات

الموضوع ياجماعة بكل بساطة ان كل واحد ممكن يكون غلط فى حق حد وملقيش فرصة يعترفله
بالغلط ده وممكن يكون عندك سر عايز تفضضه كل واحد يخشيقول اللى فى نفسها ومن غير زعل
:













الرجل الغامض غريب

انا ابتدى باعترف
انا بالنسبة لى عادى اقول اسمى او حد يعرفه بس السبب
هو ان اسمى لو اتعرف بوسى كات كمان هتعرف
وهى مش عايز كده

يا سلام وإيه علاقه أسمك بأسم بوسى كات أحنا قلنا قول أسمك مش أسم والدك

وعلي فكره بوسي كات اختنا بردو مش هيحصل حاجه لو كانت اتعرفت

انا فعلا مع بلال ومش فاهم ايه التفكير الغريب ده

بما ان اي بنت هنا معانا هيا اخت لينا في الدفعة ونعرفها

اكيد هتبقى اختنا هنا كمان ولا انتو يابنات مش شايفين كده ؟؟؟

وعشان محدش يفهمني غلط انا مبقولش كده عشان اعرف حد وفي ناس عارفة كده كويس

انا بس حبيت اتناقش في وجهة النظر دي وهل البنات شايفين انهم هيتاذوا لو حد عرفهم

او انهم مش هيتكلموا براحتهم لو اتعرفت شخصيتهم عالمنتدى؟؟؟

انا صراحة شخصيا مش شايف كده

تحياتي ،،،،،

مممممممممممممم
موضوع مهم بصراحه ولو انى مش مع البنت انها متقولش على شخصيتها لان بيتهيالى ده هيقيد ردودها شويه
وده مجرد رأى فى الموضوع
اما بقى حكايه الاعتراف فـ انا عايز اعترف انى غلطت فى حق واحد ع المنتدى ومش قادر حتى انى اقوله اسف

بصوا ياجماعة
من غير كل الزعل ده احنا اخوات فى الجامعة واكيد هنبقى اخوات فى المنتدى
واحنا فعلا مش عايزين نقول اسمينا لان ده مدينه حرية اكتر فى الرد واحنا عارفين ان فى ناس كتير عرفتنا يااحمد وعارفين مين اللى عرفنا ومين اللى معرفناش ودى وجهة نظرنا


اما بالنسبة ليك يانشوان انت لو فعلا غلطت فى حق حد فانت لازم تقولها وتعتذرله وانت بكده اكيد هتكبر فى نظره مش هتقل

انا اتفق مع احمد مرتضى فى الرأى تماما
وفى كل اللى قاله

وانا نفسى اعرف ايه علاقه الحريه فى الرد بأننا نعرف اساميكم
انا مش شايف اى علاقه ما بينهم

واختلاف الرأى لا يفسد للود قضيه

ربنا يسهل
هحاول مع انه صعب اوى

ممكن يانشوان لو انت محرج او مش قادر تقولهاله ممكن تبعتله رسالة بيها

يا جماعه انا شايف ان مفيش أستفاده لو عرفتم هما مين

من الأفضل أن محدش يقول حاجه

ايه يا ممدوح
انته داخل ترد ع الحوار ونسيت الموضوع نفسه ولا ايه؟

ايه خلاص انا معايا اللى هيرياح الكل



وانا اسمى
عمر


الرجل الغامض اللى مبقاش غامض

وايه الجديد منا عارف ان اسمك عمر

يا رجللللللللللل

من امتى؟؟؟؟؟؟؟؟؟؟؟؟؟؟؟؟؟؟

يا عمر احنا كلنا تقريبا عارفين كل حاجه
ولا احنا استفدنا حاجه ولا انت خسرت حاجه
بس موضوع الغموض دا هو اللي استفذنا مش اكتر
وعلي العموم انت اخونا الصغير وبلاش غموض بقي
اتعامل عادي .......

معك حق
وعادى بقى

الموضوع حلو يا عمر
بس انا رأيى زى رأى الاولاد انه عادى لما تعرفونا و ايه المشكلة
اصلا احنا مش بنعمل حاجة غلط و محتاجين نستخبا

صح يا توتي

مش قولتلك يا غريب

لا بس يا توتي لو اتعرفتي مش هتردي بنفس الحرية اللي انتي بتردي بيها دلوقتي لان ساعتها هيبقي في تحفظات ع الردود اللي بترديها لانك عارفة ان هما عارفينك وعموما دة راي مش اكتر

لا مش كده
ايه الفرق هي؟
هي لو عاملتنا علي اننا اخواتها وكلكم اتعاملتوا علي اساس كده
مش هيكون في تحفظات ولا حاجه
وبعدين احنا ممكن نكون عرفنكم او لا
هل انتو حسيتوا بحاجه؟

انا مش متفقة معاكى يا بيرى فى النقطة دى
اصل انتى مش بتقولى حاجة غلط او حاجة ممكن يكون فى تحفظات عليها فتستخبى منها

بصي انا مش عارفة بس انا حاسة اني لو اتعرفت علي الرغم اني مش بقول حاجة عيب مش هحس بنفس الحرية اللي بحسها وانا مش معروفة